خواتاتي ليوم شريت بيس جديدة ايا زعما قلت نتمصخر براجلي ونهدر بصوت مبحاح باش مايفيقليش راجلي لي كنت مدايرة فيه ثقة بلي ماش تاع بنات وخاطيه الخرطي هاذاك... ايا بديت نحكي معاه السيد عجبو الحال يحكي وويقلي دوك ني داخل للدار مانقدرش نحكي معاك خلي غدوا و قالي بلي ماشي طريق غدوا.. ووو حكا قصة حياتو انا تم تقلقت فيه هدرت بصوتي عادي قلتلو احكي قصة حياتك زيد قولها كذا و كذا وو سكت طول تشوكا و كوبا.. كي رجع ماهادر معايا ما والو او مزعف... بصح راااحت الثقة غاضتني كفاه ماتفكرنيش غاضتني يحكي مع طفلة خلافي نورمال... انا لي زعما نقول راجلي ماش تاع خوايج والله والله والله بالثلاث لا تسعا ثقة ف رجال تاع ضرك الله يسامحو.. قلولي كفاه ندير واش ندير ايا خوتي الفحلات علابالي بنات بلادي الصنديدات يعاونيني كفاه ندير ف الموقف هاذا كفاه نتعامل معاه الخاطر ماشكيتش نسامحو ناننساهالوش واصلا رانا 8 سنين زواج ماشت من والو يحتارمني و يحبني ماخاصني والو مام هو ماخاصو والو معايا.. علاااش علاااش يا ربي
