انا بقالي تقريباً سنتين قاعدة في البيت ما بين تعب مستمر وإجهاض وحمل وولادة وتقريبا مابقاش ليا أصحاب وبعاني حقيقي من إكتئاب بقالي فترة بقاوم جدا عشان ما ادخلش فيه بس للأسف تمكن مني ومالقتش مساعدة وسند من أقرب ماليا ومعايا طفلين مقيدين حركتي وخروجي وزوجي بيسافر اسبوعين في الشهر ولما بييجي يادوب بنخلص التزامات وزيارات اهل وملل ويرجع يسافر وجربت كل حاجه في إيدي أقدر أعملها عشان أغير روتيني وأخرج من حالتي وفشلت بمجرد ما اقعد لوحدي عيني تدمع بدون أسباب والحزن يتملك مني والوحدة والملل يقتلوني..ساعدوني لو حد في نفس ظروفي المقيدة دي يعمل ايه انا ضاقت بيا الدنيا ومتقفلة قدام حالتي كل الأبواب!!
