المطلوب منك يا صديقتي المرأة أن :
* تكوني ست فرفوشة وغنوجة ومهضومة،
بس مو كتير مشان ما يفهموكي غلط ويقولو عنك فلتانة
* تكوني مهتمة بحالك عالـ 24 ،
بس مو كتير مشان ما يقولو عليكي تافهة وسطحية
* تكوني مثقفة و مخك كبير،
بس مو كتير مشان ما يقولو عليكي معقدة ومفلسفة
* تكوني نضايفية ومرتبة،
بس مو كتير مشان ما يقولو عليكي موسوسة
* تكوني اجتماعية و حكواتية
بس مو كتير مشان ما يقولو عليكي لتاتة وكرارة
* تكوني قوية وقد حالك،
بس مو كتير مشان ما يقولو عليكي مسترجلة
* تكوني بتغاري على جوزك وتحسسيه بحبك،
بس مو كتير مشان ما يقولو عليكي مو واثقة بحالك
* تكوني واثقة بجوزك و عاطيتيه الأمان،
بس مو كتير مشان مايقولو عليكي هبلة ومستقلعة
* تكوني مربية ولادك منيح وتعاقبيهم اذا غلطو ،
بس مو كتير مشان ما يقولو عليكي ظالمة وعصبية
* تكوني عاطية الحرية لولادك و ما تخنقيهم
بس مو كتير مشان ما يقولو عليكي هاملة بيتا وولادها
فعلا الله يكون بعونك
الحل انك تشدي شعرك ،
بس مو كتير مشان ما يقولو عليكي مجنونة
👧👧👧👻👻👻👻👸👸💇💇💆💆👻
