شوفو أنا عندي صديقة تعرفت عليها عالنت وكانت للبنت بقمة اللطف والاخلاق وماشفت منها شي ازعجني ... المهم بعد فترة شفتا حاطة صورة سودة ومكتوب عليها إنا لله وإنا إليه راجعون طبعا خفت كتير فكرت أمها لاسمح الله لأن هي كتير بتحب امها وبتخاف عليها فتت عالخاص وسألتا مين مات قالت جارنا شب زغير وعمل حادث ومات وصارت تحكي عنه اديشه محبوب وابن حلال وانه عنده أطفال وبين عليها اديش زعلانه عليه ... قلتلا يلا الله اختاره ومايدوم إلا وجهه الكريم ... بعد يومين ماعاد بينت حكيت معها ماكانت ترد ... بعدا ردت وقالت انه موضوع موت جارن مزعلها ومو قدرانه تحكي مع حدا صرت صبرها وحاكيها انه الاعمار بيد الله
وقتا ظلت تحكي عنه حكي لو اخته او مرته ماتزعل عليه هيك
المهم صارت تقلي انه ريحة بارفانه عندا وعم ترش ع حالها وبالبيت كله عشان اله ريحة مميزة قلتلا شو جاب بارفانه لعندك قامت قالت هو عطانيها انا استغربت وطنشت القصة ... بعدين قالت انه راحت ع قبرو وظلت تحكيله كلشي بقلبها .. من حكي لحكي قالت انها بتحبه وانه هي كانت ع علاقه معه وجوزها مسافر (علاقه گاملة متل أي تنين متظوجين) انا هون نصدمت وقلتلا انه هي خيانه وتوبي لربك
السؤال هو تنصحوني ظل انصحها واكسب اجر توبتها ولا اتركها بذنبها ؟! وغفلتها عن هالشي؟
