السلام عليكم بنات كنت حابة استشيركم بموضوع وبتمنى تساعدوني كل انسانة بتعرف
انا ولدت بنت بشهر 3 بس توفت وربي ما كتبلها عمر وتوفت وبالمشفى عطوني حبتين للحليب حتى ينشف وشربتهم ...المهم نسيت موضوع الحليب بعدها لأني انشغل بالي بوفاة بنتي وظليت مزعوجة على وفاتها وبعدها بفترة لاحظت بينزل سائل شفاف مايل للصفار ثخين من صدري لما المس الحلمة وخفت حاولت اتجنب لمس صدري او احرك الحلمة حتى لما اتحمم ما اقرب كثير عليه المهم سألت الدكتورة اكثر من مرة بتقول عادي بينشف لحالو مدام الدورة منتظمة ما بياثر الحليب ونسيت الموضوع الخميس من كم يوم حللت هرمون الحليب ثاني يوم الدورة وانا ما اكلت كم ساعة وطلعت النسبة معتدلة ارتحت قالتلي دكتورة هون بالسعودية اذا معتدل مافي داعي للعلاج بعدها لمست صدري شوي وطلع نفس السائل انصدمت لانو من زمان مالمست صدري قالت الدكتورة حتى لو في حليب والهرمون معتدل ما بيأثر ورجعت سألت طبيبة بسوريا قالتلي اشربي( دوا Bromocriptine هاد الاسم العلمي ..عيار 2.5 ملغ)اول اسبوع نص حبة حتى اتعود ومايأثر علي الاعراض الجانبية وبعد اسبوع بصير بشرب كل يوم حبة لمدة شهر
وانا والله احترت كثير شو اعمل يعني اشرب الحب لحتى ينشف الحليب لانو قالو الحليب بيمنع الحمل وبخاف كمان دكتورة يلي قالت عادي الحليب مابيأثر مافي داعي للعلاج يعني احترت .
مين بتقدر تساعدني او تفيدني اشرب هذا الدوا دوا Bromocriptine هاد الاسم العلمي ..عيار 2.5 ملغ
ومين عندها خبرة او دكتورة نسائية او بتعرف دكتورة نسائية شاطرة تنطحني الله يوفقكن من فرج عن مسلم كربة فرج الله عنه كربة من كربات القيامة
الله يوفقكن ساعدوني تعبت صارلي 8 شهور ع وفاة بنتي ومتمنية ارجع كون ام وعيش احساس الامومة مرة ثانية وزوجي متمني احمل حتى يمسك طفل بحضنو
وبعتذر اني كتبت كثير بس حبيت اشرح الوضع بالتفصيل حتى تساعدوني
وربي يجزيكن الخير ويوفقكن
