** آهات مبعثرة **
###########
الجزء الثامن 8⃣
##########
بعد يومين
في بيت ابو تركي ::
تركي يتكلم في الجوال : عاد تصدق ياصقر ان عمتي للحين ماملت ابد وربي يستر وش بتسوي معاها
صقر : انت تدري ياتركي ان عمتنا مافي اطيب من قلبها وشلون لو تكونوا انتو السبب في اللي صار للبنت
خلاص وانا اخوك اترك كل شي على ربك واللي كاتبه ربي يصير ...
تركي : ان شاء الله .. يلا انا استئذنك ع الساعه 4 العصر لازم اكون عند عمتي سعاد
صقر : في أمان الله ...
) نزل تركي من غرفته بعد ماجهز نفسه وشاف اخته دانه منسدحه بالصاله وتطالع التلفزيون )
تركي : دانه انا طالع ..
دانه : ويييين .. تركي انت وعدتني بتحكي لي وش صار مع البنت الجديده وعمتي
تركي : اووه وبعدين .. قلت لك عمتي للحين ماكلمتني وش صار معاها .اليوم بااعرف كل السالفه واقول لك
دانه بطفش : انزيين ...
طلع تركي واتجه لبيت عمته وظل ينتظرها لين تنزل ...
سعاد وهي تركب السيارة : شلونك ياتركي
تركي : بخيير بشوفتك .. كيفك يالغاليه وكيف صحتك
سعاد : بخير .. يلا يايمه حرك السياره
تركي بملل : لااااا مانيب متحرك من هني لين اعرف كل السالفه ووش صار بينك انتي والبنت من كلام
سعاد : هههههه الحين هذا اللي هامك
تركي : اي .. يلا احكي لي
سعاد : بنتأخر ع البنت مو وقته وبعدين هي بترد معانا
تركي بقق عيونه : نعممم .. انتي تمزحين
وين ترد يعني
سعاد بطفش : اوووة تركي وبعدين معاك .. انزين اسمع السالفه ............ حكت له كل شي
تركي : عممتي انتي جنيتي شلووون بتعيشيها عندك
هذي البنت مانعرف اصلها ولا فصلها ومحد يدري وش قصتها ويمكن منحاشه من شرطة او شي
سعاد بحززم : تركي مالك شغل .. انا بااتحمل كل المسؤليه
يلا مشينا بسرعه
تركي حرك السياره بعصبيه :...........
وصلوا المستشفى وظل تركي منتظر بالسياره .. ..
نزلت سعاد وطلعت المستشفى ودخلت الغرفه ..
سعاد وهي تحضن لجين : شلوونك لجين
لجين بإبتسامه جذابه : بخيير خالتي
سعاد ابتسمت : ايه الحمد لله وربي اليوم وجهك منوور ومتحسنه
بسم الله عليك يابنيتي جمييييله وسنعه
لجين انحرجت : مشكورة ..
سعاد : يلا لبسي هذي العبايه والشيله شريتهم لك اليوم .. وان شاء الله باشر بنخرج السوق ونشتري لك هدوم
لجين : خالتي ماله داعي انا عندي عبايه اللي علي
سعاد : لا مايصير يلا لبسي هذي
لجين : انزين مشكورة ... امم خالتي ابي اسئلك
لما لقيتوني كنت لابسه نقاب لو لا
سعاد وهي تتذكر : لا ماكنتي حاطه الا شيله ..بس انا شريت لك نقاب وش رايك
أخذت لجين النقاب وقالت : بنقاب احسن ..
سعاد : عفيه عليك ..يلا بسرعه تركي ينطرنا
لبست لجين العبايه والشيله والنقاب وخذت شنطتها والادويه وكتب الدكتور الخروج وطلعت مع سعاد من المستشفى ...
اتجهوا نحو السيارة وطلعت العمه قدام ولجين وراء ..
سعاد : يلا يمه تركي حرك السيارة ..
تركي : انزين عمتي ... ظل يناظر لجين من المرايا وسرررح فيها ..
كانت عيونها وسااع وجمييلات بس مبين عليها الحزن والهم .. وكانت تناظر من الدريشه فجأه لفت والتقت عينها بعيونه وصدت عنه بسرعه .. بس اتفاجأت من شكله
كان وسيم وملامحه حاده وبنفس الوقت يبيين عليه انه مو من شباب هذي الايام لعابين .. كان صاااارم مع الكل
وصلوا فيلا العمه....
سعاد : تركي اسمع .. بكرة تعال انت وابوك ودانه وبلغ اخوي جاسم واودلاه ومرته
معزومين كلكم عندي ...
تركي بإستغراب : ليه وش المناسبه
سعاد ابتسمت : بس ابي اعرف الكل ع بنتي لجين ...
تركي ماتغيرت ملامحه : يصير خير ...
لجين استغربت من طبع تركي : وهي تكلم نفسها : وربي هذا غريييب احسه غامض ومحد يقدر يفهمه ويفهم طبعه
نظراته حااجه وتخووف
بعدين نزلت سعاد ولجين .. وتركي إتجه لبيته ..
)) دخلت سعاد الفيلا وفصخت شيلتها وعباتها .. وناظرت لجين : لجين حبيبتي البيت بيتتتك وخذي راحتك فيه
تعالي بنتمشى واعرفك ع الفيلا ..
طبعا جهزت لك غرفه خاصه ...
لجين كانت مندهشه من فخاامه الفيلا : كانت فخمممه والاثاث فاخر وكل شي متناسق ومرتب ..
سعاد ماخلت شي الا وخبرت لجين وطلعتها غرفتها ودخلوا..
لجين بإندهاش : وااو هذي غرفتي .. كبيرة مرة
سعاد : ههههه لا حبيبتي ماهيب كبيرة مرة
شوفي جهزت لك كل شي وكل الادوات
بس الملابس اليوم بنشتري لك كل شي
وعشان حتى هلي يعرفون بنتي الجديده
ابتسمت لجين بحزن على حالها .. بس سرعان مابدلتها بالفرح ...
عصرا ^^^
لجين طلعت مع سعاد السوق واخذت لها سعاد ملابس واكسسوارات وجوال جديد واشياء حلووة ..وردوا البيت مع السايق الهندي ..
في السيارة : ها يمه انبسطتي
لجين بحرج : خالتي مشكوورة .. بس اشتريتي اشياء وااايد
سعاد : افاااا. انتي بنتي وانا من حقي اشتري لبنتي حبيبتي اييي شي
لجين ابتسمت : الله لايحرمني منك يا يمه ....
سعاد اتفاجات اول مرة تنطق اسم يمه : ضمتها ولا منك يابعد قلببي ..
وصلوا الفيلا .. وطلعت لجين غرفتها وبدأت بترتيب ملابسها والاكسسوارت بالدولاب ..
انسدحت ع السرير وظلت تفككر : ااااه قلبها طيييب.. تعاملني كأني بنتها .. ماقصرت معاي بشي
الله لاايحرمني منها ..
فجأه سمعت دق الباب ودخلت سعاد : ها لولو خلصتي
لجين بإبتسامه جذاابه : اي خلصت
سعاد : انزين غيري ملابسك ونزلي قعدي معاي نشرب قهوة
لجين : تأمرين امر..
ابتسمت سعاد ونزلت وهي تكلم نفسها : وربي نعوومه وحساسه .. حبيتها من قلبي الله يشفيها ويرد لها ذاكرتها .. بدأت تتعود علي الحمدلله....
عند لجين لبست لها بيجاما ناااعمه .. وفكت شعرها وحطت لها قلوس وكحل ونزلت عند سعاد ..
قعدوا مع بعض وشربوا قهوة وظلت سعاد تحكي ل لجين عن عائلتها وحيياتها ......
##############
للكاتبه ::::::: Dįànà
