** آهات مبعثرة **
##########
الجزء السابع 7⃣
##########
مر ثلاثه شهور ع الأحداث #
خلاصه ماحصل في الأشهر الماضيه ^^
- جابر ومرته ماخلوا مكان الا وبحثوا فيه عن لجين لكن بدووون اي فائده
- حمد اتمشكل مع جابر وقطع علاقته فيه بس ما مل اببد وقرر يبحث عنها بنفسه ويطلعها من تحت الأرض
- سمر تدهورت نفسيتها ودخلت في حاله اكتئاب وبكاء مستمر ع رفيقه عمرها .. وظلت على آمل انها بتلقاها يوم من الايام
- بينما بطلتنا لجين ظلت في الغيبوبه وماصحت للحين واستمراااار سعاد بزيارتها لها هي وتركي .. ..
# في داخلي وجع مؤذي وحنين اخرس وهناك خيبه والكثير من اليأس ممزوج بتبلد.....لقد افقدوني لذة الحياة ..... #
#####
صباح يوم جديد الساعه 10 صباحا في المستشفى &&
تركي وهو يتثااوب : وربي مانمت زين البارحه
سعاد تطالعه بنص عين :ليه وش كان عندك ..
تركي : هههههه لا بس سهران ويا الربع
سعاد : انزين قوم ندش عند الدكتور نسأله عن البنت
تركي : عمتي انتي مامليتي صار لنا شهور واحنا في المستشفى هذا
سعاد وهي تقوم : استحي ياتركي انت تدري ان احنا السبب في اللي صار للبنت المسكينه ...يلا مشينا
)( دخلت سعاد وتركي عند الدكتور اللي كان يطالع في أوراق أمامه )(
تركي : سلام عليكم .. ها دكتور صحت ولا بعدها في الغيبوبه
الدكتور : وعليكم السلام .. والله ماادري شااقول لكم
بس هي صحت اليوم
سعاد شهقت بفررح : صدق يادكتور ؟؟!!.
الدكتور : ايه .. بس
تركي وتغيرت ملامحه : بس شنوو ،؟
الدكتور وهو يوقف : البنت فقدت الذاكرة .........
سعاد انصدمت : ..............
تركي مسك راسه : شلووون .. يعني ماتتذكر شي
الدكتور بأسف : لا ماهيب متذكرة شي بس لاتقلقوا هي مع الوقت بتتذكر بإستخدامها للأدويه
والاهم من ذا كله انها ماتفكر بشي ولا تحاول تجهد عقلها ع التذكر لأن ذا مو زين لها ولصحتها
سعاد : انزين دكتور متى بتطلع من هني
الدكتور : بعد يومين عشان نتأكد انها عدت مرحله الخطر
تركي : وشلون كسر يدها ؟؟!!
الدكتور : لا خلص هي اتحسنت تماما وفكينا الجبيرة البارحه بس صرفت لها مراهم وكريمات
للرضوض الباقيه والكدمات
سعاد بحززن : مشكوور .. انزين بااروح اشوفها
الدكتور : اوك تفضلوا ..
طلعت سعاد وتركي من غرفه الدكتور وضلوا سااكتين ...
تركي بأسى : عمتي ولي يسلمك لاتضايقين عمرك ان شاء الله مايصير الا كل خير
سعاد : وربي انكسر خااطري عليها ياتركي . حتى ماادري شلون افاتحها بالقصه ان احنا السبب في اللي هي فيه وبنفس الوقت مستحيييل اهدها
تركي : الحين بتروحين لها
سعاد : اي .. وانت روح البيت واذا خلصت باادق عليك
تركي : انزين في أمان الله ...
سعاد وصلت الغرفه ودقت الباب ودخلت ... ( كانت الغرفه هااادئه ولجين قاعده ع السرير وشكلها يكسر الخاطر وتناظر لجهه الدريشه )
تقدمت سعاد وقعدت ع كرسي جنب السرير ..
سعاد بتردد : الحمدلله على سلامتك يابنيتي..
لجين لفت وجهها لسعاد : ................
سعاد مسحت راس لجين بحنيه : أدري حبيبتي انك مو فاهمه شي ولا تتذكرين شي
بس ماعليه كل شي بيصير زين مع الوقت
لجين بصوت كلله إرهاق : انتي منو ؟!
سعاد : انا مااعرفك من قبل.. بس اذا انتي مستعده الحين بااكلمك بالسالفه كلها
لجين هزت راسها بالايجاب ...
سعاد اخذت نفس عميق ومسكت يد لجين : من ثلاثه اشهور تقريبا خرجت انا وولد أخي عبدالله المستشفى كنت اعاني من صداع ودوخه طول الوقت وبعدين ردينا متأخرين من المستشفى وفجأه ظهرتي امامنا في الطريق وحصل الحادث وارتعبنا واخذناك المستشفى وبحثنا عن هلك بس مالقينا شي يدلنا عليهم بس مجموعه صور لقيناها بشنطتك مكتوب فيها اسمك واسم اخوك ع صورة فيها بنت تشبهك والاسماء
ياسر ولجين .. وبقيتي في غيبوبه وتحت الادويه والاجهزة لين صحيتي اليوم و....
وكملت سعاد كلامها بأسى ( والدكتور اليوم قال لنا انك فقدتي ذاكرتك )
لجين انصدمت و نزلت من عينها دمعه : وين الصور ابي اشوفها ..
سعاد رفعت راسها وعطتها الصور و مسحت دمعه لجين : لجين لاتحاتي حبيبتي وربي مارح اتركك لين نردك لأهلك وامك وابوك .. وبعدين انتي بتتذكري الدكتور طمني عليك يابنيتي
لجين بحززن : يعني مااحد يدري انا منو ولا حتى أهلي دوروني .. شلوووون
سعاد : لاتفكرين الحين باللي صار .. انسي كل شي لين ترد ذاكرتك بالتدريج
لجين نزلت راسها وماهي عارفه وش تقول ..
سعاد : انزين سمعيني حبيبتي .. الدكتور قال بعد يومين بتطلعين من هني وبيكتب لك ادويه ومراهم وبتصيرين زينه
لجين رفعت راسها بتعجب : وين اروح انا مالي حد ...
سعاد ابتسمت : انا ماادري شلون ابدأ بس .. انا ودي .... ودي تسكنين معاي في بيتي
لجين انصدمت : شلوووون ...انا ماابي مابي اسكن عند حد
سعاد وهي تمسك يد لجين : اسمعيني يابنيتي للاخير ولا تقاطعيني ... انا حرمه أرمله ساكنه وحدي في فيلا كبيرة مع الخدم والشغالات .... وكملت كلامها والعبرة خانقتها ..
زوجي توفى من زمان وكان عندي بنت صغيرة بس توفت وظليت وحيده ..
تخيلي لو بنتي عاشت كانت الحين في عمرك ..
وبعدين انا السبب في اللي صار لك ..
يايمه خلاص انا ودي تسكنين معاي لين نلقى اهلك .. وربي مارح اضرك
لجين : خاله ولي يسلمك ادري انك تشفقين علي .. بس انا رح اكون ثقيله عليكم مهمها يصير وبعدين .انا ..
قاطعتها سعاد : لاتكملين انا ماشفقت عليك وبس
انا اتخيلتك بنتي .. طلبتك وافقي يابنيتي
لجين نزلت راسها بإستسلام : ماادري ماادري
سعاد بفرح : لا خلاص انتي من اليوم بنتي وانا امك
وانسي كل اللي صار لك لين ربي يفرجها
لجين ابتسمت بأسى : مشكووورة ع كل شي
سعاد : حبيبتي لاتشكريني بعدين مافي شكر بين ام وبنتها ...
لجين ابتسمت....
سعاد : يلا انا استئذنك الحين وانتبهي لصحتك يايمه ورح اجهز كل شي وبعدين بنطلع من هني .. وباستها وطلعت من الغرفه
انسدحت لجين ع السرير وبدأت بالتفكييير ( وش قاعد يصير لي .. أي حادث صار لي
ومن 3 شهور بعد .. واخر الليل في الشارع لحالي
وماحد لقاني ولا حد يعرف اهلي ولا انا بنت منو ) ومسكت راسها وظلت تبكي ...
ياااارب انا ضعت ضعت ماني فاهمه شي وش قاعد يصير انا منووو ...
ونامت بدون شعوور .....
# .... مكسَوره آنأ بدآخَلي :( آججَبرنيَ ي جَبآر ....#
##########
للكاتبه ::::::: Dįànà
