**آهات مبعثرة **
##########
الجزء الخامس 5⃣
##########
كانت تررركض وهي تشوف خلفها وماانتبهت انها صارت وسط الخط السريع ...
فجأه """"""""""""""" حست نفسها طايرة في الجو وسقطت وارتطمت بقوووة في الأرض
والدم خرج من رأسها وأنفها
سعاد بصرااااخ وهي تنزل من السيارة : تررررركي وش سوييييييت ....
تركي مصدوووم ومو قادر يشيل نفسه :..........
سعاد تركض نحو لجين وترفعها واشهقت من الدم ... تركي انزل وش تسوي البنت بتموووت
تركي استوعب ونزل بسرعه ... وحمل لجين للسيارة وطلعت معاه عمته سعاد وظلت تبكي وخايفه ع البنت وانطلقوا للمستشفى اللي كان بعيييييد عن حارة لجين ،،
####
الساعه 2:30 قبل الفجر ** في المستشفى
طلع الدكتور من غرفه لجين ....
قام سعاد وتركي ،،
سعاد : ها دكتور بشر شلونها ..
الدكتور : الحادث كان قوي جدا سبب لها كسر في يدها اليسرى ورضوض وكدمات
بس البنت متعرضه من قبل لضرب وهذا الشي بااين عليها وسببه مو الحادث ..
سعاد بإستغراب : انزين متى بتقوم ونقدر نكلمها
الدكتور : احتمال باشر .. اما الحين لا حالتها صعبه بس عدت مرحله الخطر.. ومشي
سعاد : مشكوور ... وناظرت تركي بغضب
سعاد : انت شلوون ماتشوف الطريق.... قلت لك خفف وهدي السرعه بس انتي ماتفهم
شفت شصار بسبب تهورك
تركي بقلق : عمتي انا مالي شغلل وربي هي اللي نطت أمامي وماادري شلون ماشفتها
وبعدين خلاص يكفي هذا قضاء وقدر
سعاد بحزن : الله يشفيييها .. اكيد اهلها الحين يحاتونها
تركي : هههه يحاتونها .. عمتي فكري البنت في اخر الليل في الشوارع وتمشي لوحدها
اكيد هي الحين مثل البنات اللي نعرفهم
بنات الشوارع ....
سعاد بحده : انطم ولا كلمه ولا تطعن في عرضها لين نفهم سالفتها ...
تركي : .....
سعاد : اي تذكرت . تركي ولي يسلمك روح للسيارة وجيب شنطتها
اكيد بنلقى جوالها او بطاقتها
بسررعه نبي نبلغ اهلها
تركي وهو يقوم : حاضر ....
رجع تركي بعد عشر دقايق ومعاه الشنطه وظلت سعاد تفتش فيها ...
سعاد : ياربييي مافي اي دليل يثبت هويتها ولا حتى جوال
تركي بإستغراب : غرييبه مافي ولابنت للحين مامعاها جوال ...
سعاد : لقيت لقيت صور ..
تركي : وش من صور
سعاد وهي تقلب في الصور بيدها : ماادري بس مكتوب ع الصورة اسم لجين و ياسر
اتوقع انها نفسها البنت بس لما كانت صغيرة
تركي : انزين مافي حتى بطاقه
سعاد بحزن : لا ماعرفنا الا ان اسمها لجين ...
تركي : اقول عمتي يلا نروح الحين مافي فايده من قعدتنا هني و بنرد الصبح
سعاد : قلبي يوجعني عليها وعلى أهلها .. بس مابيدنا شي
يلا مشينا ...
طلعت سعاد وتركي من المستشفى ووصل تركي عمته بيتها وراح هو على بيته ...
)) تعريف بالشخصيات الجدد ((
سعاد : مرة طيوووووبه وجميله عمرها تقريبا 30 سنه وزوجها متوفي من سنين وكان عندها بنت بس ماتت بحادث.. وساكنه في فيلا لوحدها مع الشغالات حقها
تركي : ابن أخو سعاد ويحببب عمته حيييل عمرة 23 سنه شاب وسييم وخقه وملامحه خليجيه حااااده عصبببي وجاد في عمله ...
امه متوفيه وعنده أخت وحده اسمها دانة بنتعرف عليها ببقيه البارتات
####
الساعه 8:00 اليوم الثاني في بيت عم لجين &
حصه وهي تدق باب لجين بقوة : لجين يلااا قومي الساعه 10 ابيك تتزهبين حق الملكه .... وبضحكه خبث ( هههه ياعرووووس )
.. استغربت مافي رد ودخلت الغرفه وظلت تدور عنها بس مالقتها ع سريرها ..
حصه : اكيد هي اللحين تتروش .. متتتى بنفتك منك يا لجين ونستلم الفلووووس
مرت ربع ساعه .... حصه : ووي ليش طولت.. وراحت تدق باب الحمام لكن لاااا رد
حصه دقت الباب بقوة وهو افتتح ومافي أحد بالحمام ... انصدمت
حصه : جاااااابر لحق علي .. جااااابر
جابر وهو مخترع ودخل الغرفه : شصاير ياحصه وليه تصارخين
حصه وهي منقهرة : لجين موب هني لجيين انحاااااشت
جابر مصدووم : شنوووو !!!!! شتقولين
ملكتها اليووووم
حصه : وربي سوتها بس شلووون انحاشت بدون مانحس
ووين بترووووح مالها احد
جابر : حسبي الله عليها من بنيييه وش نقول الحين لحمد ....
في بيت سعاد ^^^
سعاد وهي تتصل : الو صباح الخير
تركي : هلا وغلا بالزين كله .. صباح الفل
سعاد : هههههه حشا مانت طبيعي من وين هالكلام الحلو
تركي : ههههه افااا عمتي ، انتي شيخه الحريم
سعاد : اقول خل عنك الكلام الفاضي وتعال انا جاهزة ..
تركي بغصه : للحين مانسيتي البنت .. عمتي واحنا شااكو وش علينا منها خليها تولي
سعاد بعصبيه : هي انت لاتنسى انك صدمتها وكسرت يدها وانت السبب في كل اللي هي فيه
ولاتحكم على الناس الله اعلم ايش ظروفها
تركي بأسف : اسف حقك علي .. دقايق وانا عندك
سعاد : في امان الله ....
##########
للكاتبه ::::::: Dįànà
