##########
الجزء الرابع عشر 4⃣1⃣
##########
صقر بتردد : ابيك ي عمي بموضوع
عبدالله : أمر ي وليدي انا كم عندي صقر
صقر : مايأمر عليك عدو ..بس انا طالب يد دانو بنتك
تركي : هههههههههههههههه وطلعت تحب أختي يالخايس
عبدالله بنظرة حاده : تريك انطم ..
وواصل كلامه هذي الساعه المباركه وين بنلقى احسن منك ل بنتي دانه
صقر بفرح : صدق عمي ..
عبدالله : اي وانا عمك .. بنرجع الديار وباخذ شورها بعدين يصير خير
صقر : شاورها هني ي عمي
الكل : هههههههههه ..
جاسم : صقر علامك مستعجل بعدين تعال انا قلت لك بأخطبها لك من اخوي واتفقنا
ليه خطبتها انت
صقر بتصريفه : ها .. ههه ايه ايه ماقدرت اصبر و. تدرون بنقعد هني نص شهر تقريبا
تركي وهو يسحب صقر : اقول قوم نتمشى وبعدين يصير خير
وطلعوا من المجلس وظل تركي يضحكك ع صقر وطلبه ...
####
لجين وهي تنط للمسبح : ااااااه .. كح كح كح دانووووو ارويك ي الكلبه
دانه + رغد : ههههههههههههههههههههههه
لجين بعصبببيه وهي بالمسبح : الله يأخذكم من بنات ليه دفيتوني
ريم : هههه عاد انتي السبب وش نسوي كنتي ساكته وسرحانه قررنا ننعشك شوي
لجين : هيييين .. واخذت حصى وترميهم
الكل كان يهرررب ويضحك وكان شكلها معصبببببه ...
خرجت لجين من المسبح وحدها معصبه ومتوعده فيهم ..
####
صقر وهو يقوم : تركي اقول انطرني هني بااخذ لنا ايسكريم وارجع لك
تركي : انزين ولاتتأخر حدي طفشان ..
قام تركي يتمشى وسمع صوت عند المسبح ..
تقدم تركي وشاف لجين وهي قاعده ع طرف المسبح وتجفف عباتها بيدها وتداعي ع البنات ..
تركي : ههههه يحليلها شكلها معصبه
تقدم لها **
تركي : احم .. شلونك لجين
لجين انتفضت واتخرعت : ...........
تركي :اسف ماقصدت اخرعك
لجين وهي تقوم : ماصار شي
تركي : لجين لحظه ودي اكلمك شوي
لجين بنظرة حاده : منو انت عشان تكلمني ..
ومشيت مبتعده عنه ..
تركي انصدم من تصرفها وماتوقعها تكرهه هالحد ...
صقر : هييييي انت اللي ماخذ عقلك يتهنى به ..
تركي بعصبيه : نعم شتبي
صقر : تركي علامك .. ليه وجهك معتفس جذيه
تركي وهو يمشي : خلني بروحي ..
صقر : وشفييه انقلب فجأه .. ي خوفي لو الولد يحب ..
####
اليوم الثاني في الشاليه ^^^
قامت لجين من النوم وحدها تعبانه ونفسيتها زفت ..
لجين تكلم نفسها : اوووف انا ليه افكر بهذاك السخيف
ترى وش كان يبي يقول لي أمس .. اوووف خلاص لجين انسيه انسيه
ايه انا اكرهه وعمري ماانسى وش قال عني ذاك اليوم ..
سعاد : وووي لجيييييين ..
لجين فزت : ها يمه شصاير
سعاد : حشى مانتيب صاحيه .. صار لي ساعه اكلمك وانتي موب معاي
لجين ابتسمت : اسفه يمه بس كنت افكر .. ليه وش بغيتي
سعاد :نشيت بدري وقلت اشوفكن والكل نايم شفتك صاحيه قلت نتمشي شوي بالشاليه ع الجو الحلو
فرصه الكل نايم ..
لجين عجبتها الفكرة : انزين اغسل وجهي واخذ عباتي واجي معاك
سعاد وهي تقوم : انزين .. يلا انا عند فاطمه اتقهوى
لجين قامت وغسلت وجهها واخذت لها بنطلون وبلوزة سوداء وعباتها ولفت شيلتها وطلعت .. ..
لجين : صباح الخير خالتي فاطمه
فاطمه : ي صباح الورد .. اشوفك قاعده مبكر
لجين : هههه ايه انا مااتأخر بنومي
فاطمه : حلووو ليت بناتي ودانو يصيرون مثلك يايمه
لجين اكتفت بإبتسامه ...
سعاد : يلا لوجي نمشي .. استاذنك يخيتي فاطمه
فاطمه : اذنكم معاكم ..
طلعت سعاد ولجين وظلوا يتمشون ويسولفون ..
سعاد : وي تعبت تعالي نقعد هني ..
قعدت لجين جنب سعاد واخذتهم السوالف ...
فجأه ..... لجين ماسكه راسها : ااااه
سعاد بخوف : يمه شفيك ؟؟؟
لجين : رااسي يعورني حييل
سعاد : تعالي نرجع..
لجين : لا يمه هني احسن ماودي ارجع ..
سعاد وهي تضم لجين وتقرأ عليها معوذات وايآت من القرآن ...
لجين دموعها تنزل وحاسه بضييييقه ... بعدين هدأت بحضن سعاد ..
سعاد : ها يمه شلونك الحين ..
لجين :زينه .. خف الوجع
سعاد : يلا حبيبتي نرجع نفطر اكيد البنات الحين يحاتونك ..
لجين وهي تقوم : مشينا .....
####
مرت أربعه أيام ع ابطالنا بالشاليه ::
- عبدالله فاتح دانه بموضوع صقر وانبسطت حيييييل بس قالت بتفكر .. وصقر ع احر من الجمر
- البنات يحاولوا يفرحوا لجين ويخلوها تنبسط وفعلا كان لهم دور ولجين حبتهم
بس كانت متحااشيه تركي تماما
- تركي ضاق خلقه واتجنب لجين وقلبه يعتصر من الضيق بسبب اخر موقف بينهم وندمان ع اللي قاله ذاك اليوم ل صقر
####
يوم الخميس الساعه 11 ظهرا ..
لجين : دانو صقر رجال والنعم فيه ليه ماوافقتي للحين
دانه : ماادري بس متوترة ي لوجي
لجين : قلت لك وربي ان صقر زيين ويحبك بعد وكل شي واضح
ولا وش قلتي
دانه : انزين بفكر اكثر وبااعطيهم رأيي باشر
لجين وهي تضم دانه : الله يوفقك ي قلبي
دانه : وانتي بعددد ربي يرزقك الرجال اللي يحميك ويكون لك سند
ويشفييك ي عمري ويرد لك ذاكرتك
لجين : امييين ..بس صراحه دعوتك زي العجايز
دانه بزعل مصطنع: انا عجوز .. هين الشرهه مو عليك
الشرهه علي اللي ادعي لك
لجين : ههههههههههه امززح معاك وش فيك
رغد وهي داخله :ووي ضحكونا معاكم
لجين : ههههههه وش ذا الفضول .. مانيب قايله
رغد وهي تطلع لسانها : مابي اعرف . يلا الغداء جاهز ...
لجين + دانه :جايين ....
##########
للكاتبه ::::::: Dįànà
