هلوو حبيباتي اني مخنوگه حيل وماعندي احد اشكيله بس وب العالمين اني امي وابويه متوفين وقبل ٣ اشهر ازوجت وي عيالي سويت المستحيل حتئ اخليهم يرضون بيه وماكو فايده والله العضيم اني موظفه ارجع من الدوام ب٣ الظهر اگعد انظف البيت واكمل شغلي واروح الغرفتي انام ب٥ واگعد ب٦ اسوي العشاء وانظف المطبخ وارجع الغرفتي ب١١ بليل والله العضيم ممقصره لابتنظيف ولابشغل بيت كولشي اسوي في سبيل ارضيهم وماكو فايده هذا الاسبوع رجعت من الدوام جان زوجي يگولي امشي اوديج الاهلج وطردني تني مقبلت اطلع من البيت لان ممسويه شي طلعت امه واخته زانات براسه وهو يسمع كلام امه بس بالقرآن اني ماعندي ام وجنت معتبرتهه مثل امي وشيگلولي اگوللهم اي وطلع زوجي ميخاف الله وگعد يحجي الامه شكو شي صاير بيناتنه بالغرفه وبنفس الوقت يجذب وهم مصدگي ولاعبالك ديشوفون بعينهم شگد اتعب وصايرلي اسبوع يم اهلي ولاخابر ولاسأل وهو الي صلمني اني صايرلي اسبوع شبعت بجي وفوگاهه اني حامل ومن عرف حامل حتئ مااتصل مااگول شي بس حسبي الله ونعم الوكيل اني دأكتب وابجي ومختنگه لو عندي اهل وعايشين جان هيج سوو بيه اني زوجي احبه واريده بس هو مو گد حبي لان يمشي وره كلام امه شسوي ساعدوني احس نفسي راح اموت من القهر
