انصحوني وكل وحدة تحط نفيها مكاني

على بالي هدرتي واحد مايفهمها غير بنات بلادي وادا فهمتها اي وحدة من بلاد اخرى ماذا بية راح نختصرلكم انا مزوجة وعندي بيبي في عمرو عام و ضرك راني بالحمل شهرين المهم مشكلتي مع راجلي زوجنا على حب لاوجود له عشت معاه ٣ شهر زواج ملاح قدقد والباقي عذاب كانو يتعامل مع شغالة ولا فريجيدار ولا عفسة في دار لحنانة نسمع بيها غير في الفراش نكملو خلاص يبدل عقليتو كيما كان حتان كرهت الرقدة معاه المهم والمشكلة الاكبر امو جهنم الحمرا يا مخالق قد ماندير معاه والو متقرش بية والو وزيد تحردو نهار عرفة روحو دارنا من تونس رحت بشورتو قتلو نروح قالي روحي رحت و قعدت في دارنا ومبعد لبست حجابي باه نروح كلمني قالي انتي لضرك مروحتيش ناس طيب في قواطو و طيب في عشاواتها وانتي في دار بيك قتلو يخي سيقت وغسلت وقلبت دنيا عضمة قتلو ديجا هاني مروحة قالي والله ماتروحي وكون تروحي..... و هو موالف يضربني خفت يضربني وانا بالحمل المهم مروحتش صباح العيد جا قالي اعطيني ولدي قتلو وانا قالي مانحتاجكش بقيت نتبع فيه حتان كرهت ومن ثم وانا في دارنا لليوم يا عباد ربي انا غالطة