السلام عليكم ..
حابه احكيلكم قصتي وياريت كل حدن يشوف يشارك ويحكي وجهة نظروا ... الرجل اللي هلا عم أتمنى ياريتو ما مر بحاتي ولاشفتوا .بيوم من هالايام تقدملي شب عمرو 33 سنه دارس ماشاء الله عنو شفتو بيبيت اهلي اول مره يادوب حكيت معو كنت كتييير خجلانه ودوب حكيت وطلعت طبعا من اول انطباع عجبني وشفتو كمان مره ... وصاره شوية خلافات وماصار نصيب السبب انو انا كتيييييير خجوله وهوى بحب البنت المتحدثه والجريئه جدا .. زعلت كتييييير ع السبب وانا اللي رفضت لانو اختو حكت معي وسالتني ليش هالد خجوله مع أنك حلوه ودارسه ومو ناقصك شي ، دايئت من أسلوبهم ورفضتوا لانو حسسوني اني معقده او عندي شي مرض .مرت الأيام بعد شي أربع أشهر رجعت اختو حكت معي وبتحكيلي والله نحنااا حبيناكي واخوهااا مو رايحه عن بالوا ياريت الله يشغل بالو زي مو شاغل بالي هلأ. ...المهم لما حكيت مع اهلي ما عجبهم بس انا كنت حابه اعطي فرصه وكان بصراحه عاجبني ورجع وشفتو مره تانيه وخطبنااا اربع أشهر وكان كتييييير منيح معي بس كان فيه مشاكل وكنت كل مره احكيلو شو حكي عني اول مره شافني فيهااا طبعا شخصيتي بفترة الخطوبه كانت تعجبوا كتييير ..المهم تزوجنااا وفترة زواجي يادوب 27 يوم .أسبوع بشرم الشيخ واسبوعين عند حماتي بيتو هوى فوق بيت امو المهم انا كنت كتيييير عصبيه معو وع اتفه الاشياءات اعصب عليه كان يتحملني بس معو عصبيه .. امو وخواتوا كنت بحبهم ودايما بحكيلو يودهم وكون معهم ع طول ...بس عصب عليه يتركني ويفتح التلفون او التلفزيون ومابسمعلي وهالشي بستفزني اكتر وكنت كسر كل شي ازاز حولي .. هوى ما كان يساعدني؛صح كان يعمل شو مابدي ويتحملني ، بيوم من الأيام والله تمشكلنااا ع شي تافه ع لبسو كان السرير وحكالي خديه حكيتلو هاد لبسك خدو انته وكلمه منه وعشره مني و ضربني سبيتو وسبيت اهلو بس والله مو من البي لأني والله كنت بحبو وبحب امو وخواتوا وكل اهلو ونمت وانا عم ابكي تاني يوم الصبح كان يوم عرفه السنه الماضيه بحكي معي بحنيه ولا كانو صار شي مبارح ؛ عيطت عليه بصوت عالي وحكيتلو عم تحكي وناسي شو عملت مبارح المهم كبر الموضوع واخدت الموبايل لاحكي مع اهلي .. اجي اخدو مني بالقوه وعصبت عليه اكتر وكسرت شوي شغلات بالبيت وبعدين ناديت لامو وصرت اشكيلهااا ابنهااا طبعا صار يضربني قدام امو قال لاتعلي صوتك ع امي ويشهد الله اني كنت بحبهاا وكنت بحكي لماما لسااا هي احسن منك اللي بس انا كنت ببكي وبشكيلهااا وما اصدت شي تاني هي وقفت جنب ابنهااا وطلعت وما عجبهااا وخبرت كل خواتوا الشباب وطبعا زوجي ضربني كمان ع اساس اهدىء وانا بالعكس زاد جنوني وعصبت اكتر وحكيتلو خدني لبيت اهلي . امو جابت كل خواتوا الشباب وحكتلهم ونادولو هوى اصغر شي عندهم وأكتر شي بتحبو امو وتفقوا يطلقوني وحكوا مع بابا ليجي ياخدني .. وقتهااا حسيت انو رح يطلقني خفت وحكيتلو لبابا انا مش رايحه معاك ؛ ورحت ناديت لزوجي اللي كان تحت مع خواتوا الشباب وامو طبعا بس ناديتلوا صاروا خواتوا يحكولو لا تروح وقتهااا حسيت انو اهلو اقنعو يطلقني ناديتلو كزا مره اجى لعندي وصرت اترجاه وحكيتلو رح كون متل مابدك المهم بعد كتييير ترجايه حكالي ما عاد تعصبي حكيتلو زي مابدك رح كون وصار يحكيلي مش عارف شو احكي لاهلي هلأ وصار يحكيلي روحي يومين عند بيت اهلك خليني فكر وانتي ارتاحي وبعدين رجعك ... ما قبلت حكيتلو من شان الله ما طلقني المهم بالنهايه خلاني وبابا بس نزل من بيتي طلع واحد من خواتوا الشباب وصار يعيط ع بابا وحكالو خدهااا معاك ..روحت مع بابا وبعد شي ساعتين يعملي زوجي حظر ع الفيس والواتس وكل مواقع التواصل الاجتماعي. .بس شفت هالشي خفت كتييير وصرت ابعتلو sms وترجيتوا وما كان يرد وتلفنت لاختوا ما كان معهااا خبر وصرت اترجهااا وحكتلي علي مارح يطلقك ليش خايفه هالد وحكيتلهاا كل شي وحكتلي ياريتك ما ناديتي امي وشكيتيلهاا وحكتلي امهاا كانت تحكي عني انا مو حاطه بيبالي انزل لعندهااا وجاملهاا وهيك .. المهم الله عالم بحالي اديش خفت وحكيت خلص رح يطلقني ؛ واحد من خوانوا حكالو طلقهااا وكل شي برخصلك وهنااا شجعو ... ظلت ابعتلو وترجيتوا كتييير مايطلقني لو يهودي اسلم من اد ماترجيتو ... المهم بعد كزا يوم حكو مع صاحب لبابا بدهن يطلقوا ودخل صاحب بابا من شان مايطلقوا ورفضوا... وقتهااا شو خوف وقلق الله اللي بعلم بحالي ... وبعد كزاا يوم عرفت اني حامل وحكيت بلكي ازا عرف يحن البو ومع هيك ما اثر فيهم .. واكشفت مع رابع يوم من لما روحت مع بابا صاروا يدورا ع عروس الو .. عرفتو بنت اختو ع بنت وظل يحكي معهاا شهر وشوي تلفون وبعدين خطبوا بعد ماعرفت بعتلهاا لخطيبتو وصرت اترجهااا وعملتلي حظر وحكى اخ الو لبابا من شان ما ابعت لخطيبتوا وتزوجوا وانا البي كل يومي حترق ..وحاكين للناس سبب الطلاق انا مريضه نفسيا . وهلا ابني عمرو 4 أشهر ولحد هلا ماشاف ابنو وسما غير الاسم اللي كان بدو يتنادى فيه ابو.... بدو ياه من مرتو الجديده.
