السلام عليكم ورحمة الله وبركاته
كيف الحال يا صبايا اشتقتلكو
انا لاميتا اللي من فترة كنت متواجدة وبعدها غبت
اولا اتمنى من كل قلبي تكونو بخير وسعادة الكل بدون استثناء
ثانيا حابة اطلب منكم تدعولي لاني خايفة كتير وبتعرفو وضعي انو انا عايشة في اميركا مع جوزي ومافي حدا من اهلي ... اللي صار انو انا صرت في نص الشهر التاسع
بس من كم يوم ضغطي صار بيلعب يرتفع كتير وبينخفض وهاد الاشي خطير للام الحامل والبيبي كمان
فاليوم الدكتورة قررت انو لازم تولدني مشان سلامة الجميع بس المشكلة الرحم مسكر التسكيرة العاطلة 😒 لهيك بكرة رايحة عالمشفى ورح يحاولو في البداية بتحاميل تحفيزية لفتح الرحم وازا مافاد مافي الا الطلق الصناعي 😢😢 انا خايفة لان عندي فقر دم مع ان اللي بشوفني خدودي حمرا بس دمي نازل كتير والضغط ممكن يعمل نزيف
انا خايفة وكنت اتمنا انو ماما او اي حدا من اهلي يكون حدي هون بس جوزي وهو التاني خايف بس ما بيبين
امنتكو بالله تدعولي لان دعوة الغريب مستجابة وما غريب الا الشيطان طبعا نحنا اخوة في الدين وانتم خواتي
وسامحوني ازا فيوم صار سوء فهم مع اي وحدة بس القلب أبيض والنية طيبة ويعلم الله
⚘⚘⚘⚘⚘⚘⚘⚘
