#النصف_الآخر_قصص
#النصف_الآخر_7 #النصف_الآخر
الحلقة السابعة
ماكنت بعرف من وين جبت هالقسوة بس كفاحي عشان حلمي كان اقوى من أي شي.. سكرت الخط بوجهه بس رجع بعتلي بكرا رح يشوفني بالمعهد غصب عني.. مارديت عليه وضليتني أفكر بلقائي بكرا مع ريّان المطرب من بعد ما دخلت ميس عندي وحكت معه وقالتله انه هيه بنت عم رفيف وبدها مساعدته لأختها.. واللي دهشنا انه وافق يشوفني بكرا.. ومن بعد ماخلصت المكالمة أجاني شعور غريب بإنه رح يصيرلي شي أول ما رح أشوفه.. تطلعت عميس وقلتلها في إحساس بقلي إنه رح يصيرلي شي لو شفته بكرا.. حكتلي من وين جبتي هالحكي؟ هاد اللي براسك طلعيه.. بكرا رح تشوفي ريّان عارفه شو يعني.. رح تنفتحلك بواب السما.. ومتأكدة رح يحب صوتك ويقدرك غير عن كل العالم.. هاد مشهور وكل الدنيا بتعرفه.. وهالفرصة اجتك على طبق من ذهب لا تضيعيها بتهيؤاتك.. قلتلها انا تعبانه ومانمت منيح.. خليني انام.. حكتلي مارح تخليني انام الليله معك ؟.. قلتلها لأ بس بدي أضل لحالي.. اتركيني.. كان بدي فعلاً أضل لحالي ومامعي حد.. مابعرف ليه.. بس لمّا صار وقت النوم كان ساجد جايب أكل من برا وطلب نقعد كلنا سوا.. أكلنا وكل واحد راح ينام.. وماما تطمنت عليه وقالتلي لو حسيتي بشي رنيلي على الموبايل او تعي صحيني.. انا جنبك حبيبتي.. كنت عم بتصرف معهم طبيعي من جواتي بدي أخلص منهم لأضل لحالي وكأنه في شي بقلي اخلصي منهم وسكري باب غرفتك.. طفت ماما الكهربا وتركت ضو صغير جنب المطبخ.. ماكان بدي ولا ضو.. قمت طفيته ودخلت وسكرت الغرفة بالمفتاح لأول مرة.. خلعت ملابسي ونمت وتركت الشباك مفتوح وما سألت.. ماكنت خايفه وكان كل شي طبيعي معي.. وكأنه في شي بمشيني متل الريموت لأعمل كل شي بده ياه.. وبس بدأت عيني تغفى.. صرت بحس بنفس حد جنب أذني.. وكان سخن وقريب كتير.. أنا مغمضة بس في حد عم بحضني وبقرب مني وبشيل الغطا عن جسمي شوي شوي.. وحاسه بشعري عم ينمسك وينشد بهدوء وكأنه في حد وراي عم يلعب فيه..
يتبع الحلقة السابعة ٢
