⏱*(النص ساعة السحرية)*والبرنامج المسائي 🙃

*ترتيب البيت السريع*
 الشاطره 😅كل ليلة قبل ماتنام مباشرة تقوم تعمل جولة سريعة اوى على البيت ترتبه بعد ماكل الافراد يناموا و  تدخل المطبخ تشطبه فى اقل من ١٠دقايق ...حتى لو ماعملتش المواعين
كنت بستغرب من حرص ماما الشديد على الخطوة دى
وبقيت اعملها على اد مااقدر فى بيتى بالذات موضوع المطبخ ده
حاجة كدة سحححححر
لما تطفى نور المطبخ على نظافة ونظام وتبداى تجهزى للنوم
وتيجى بقة تصحى الصبح تلاقيكى بتدخلى فى الموضوع على طول
*وفرتى*
١)قبضة قلب لما تشوفى البيت او المطبخ مكركبين وماتستهونيش بيها لانها بتقفل دماغك وتخليكى ابطا فى التفكير والحركة
٢)اعصابك اللى هتكون هايجة من المنظر والاحباط وطبعا اعصابك هتكون هادية ورايقة عشان تتحمل المزيد 😅😅
 ٣)مجهود بدنى ووقت هتستغرقيه فى الترتيب اولا
انتى عارفة لما الدونيا تبقى مقلوبة فى البيت وتنامى وانتى على المخدة تقرري بكرة بكرة هرتب وتصحى الصبح مع معارك الولاد وبعد الفطار تهبطى كدة على كرسي ومعاكى موبتيلك وتقولى مش جايلى نفس اقوم ولا اتحرك ..عارفة كل ده من المنظر الكئيب 😩😤اللى بتنامى عليه
نص ساعة او اقل والله تروقى مطبخك وترتبى البيت ترتيبة سريعة اوى ...وشوفى السحر الصبح
*كدة اكيد تمام 👍🏻*
*ايوة 👏🏼*
*خليكي شاطره 😉 واتعلمى ترتاحى🛋*