اللي بيتلخبطوا بين التهجد والقيام والتراويح ومش عارفين الفرق بينهم
ركزوا معايا في البوست دا ..
س/ ايه الفرق بين صلاة التراويح ، التهجد ، قيام الليل ؟!
ج/ كلهم واحد .. مفيييش فرق بين التلاتة
كلهم مسميات تطلق على صلاة التطوع من بعد العشاء ..
بس الفرق كله في توقيت صلاتك !
■ يعني لو صليت بعد العشاء مباشرة من غير ما تناملك حبة = تبقى تراويح
■ لكن لو صليت العشاء ونمت شوية وصحيت في الثلث الأخير من الليل = يبقى تهجد
■ والقيام دا مسمى عام معناه = إنك تقوم ليلك أو جزء منه بين يدي ربك
س/ يعني نصلي انهي واحدة فيهم .. وبأنهي نية ؟!
ج/ صلي التراويح بعد العشاء ..
وناملك شوية مثلاً واصحى في الثلث الأخير صليلك ركعتين أو أكتر تهجد
يعني مش هتخسر حاجة لو صليت الاتنين !
س/ طب هيّ كام ركعة التراويح ؟!
ج/ هيا على الأرجح ١١ ركعة [ دا السنة وممكن تزود ، المهم تكون عدد زوجي ٨ مثلاً وبعدها ركعتين شفع وركعة وتر فتصبح عددًا فردياً اللي هو ١١ ] .
س/ بنصليهم ازاي ؟!
ج/ ركعتين ركعتين .. بنصليهم [ مثنى مثنى ] .
- بين كل اتنين ناخد راحة نذكر الله دقيقتين كدا ومنها نستريح [ عشان كدا سموها التراويح ] .
س/ طب ينفع نقرأ فيها من المصحف ؟!
ج/ اه ينفع نقرأ من المصحف فيها [ لإنها صلاة نافلة مش فرض ] .
س/طب أنا معنديش حامل للمصحف ؟!
ج/ ولا يهمك .. ينفع نشيل المصحف بإيدنا [ لو مش متوفر حامل للمصحف ] .
س/ الناس بتصلي بجزء في اليوم بس أنا طاقتي على قدها ومش هقدر .. ينفع أصلي بسور قصيرة ؟!
ج/ ايووون ينفع نصليها بقصار السور [ لغير القادر على حمل المصحف أو لغير القادر على قراءة أجزاء كبيرة ] .
س/ طب أنا بصراحة مش هقدر أصلي 11 ركعة ؟!
ج/ لغير القادر على اتمام الـ ١١ ركعة يصلي ركعتين .. صلي أي حاجة المهم تصلي ماتبخلش على نفسك
#رمضان_شهر_التغير
