🔴الطفل الحساس

*👶🏻فقرة تربوية👶🏻*
🔴

✔️نعمه ولا نقمه؟!

للأسف من وجهه نظري هوا الاتنين.. ازاي؟..
زي الناس😊😊

الطفل الحساس نعمه💕 لانه اكتر حد هيكون فاهمك في مراحل حياته.. حاسس بيكي اوي لو حد زعلك 💔.. فاهمك وانتي حزينه😒 وانتي غضبانه 😡وانتي سعيده..☺️ وانتي حتى بتمثلي السعاده😎 وجواكي موجوع💔💔 وكمان بيبقى نفسه يفرحك حتى لو مش عارف‼️..

دي النعمه .. اننا كلنا بنحب نلاقي حد فاهمنا وحاسس بينا حتى لو ما حكينا الل جوانا

❌نقمه ليه بقى؟
لأنك مضطره تتقيدي بقيود معينه عشان يكون هوا شبه مرتاح.. ازاي..؟ زي الناس بردو😂
💎💎الطفل الحساس متعب جدا في تفسير المواقف.. يعني محتاج مجهود فعلي في تفسير كل موقف بيحصل معاه عشان يفهم انه مش هوا المقصود..
ومحتاج مجهود تاني في شرح مقاصد الل حواليه من كلامهم له أو لغيره..
محتاج اختيارات معينه في اللبس والاكل والشرب والكلام والخروج والالعاب وكل شئ

هشبهه بذوي الاحتياجات الخاصه في المجهود المبذول عشان يكون مرتاح فقط..
💎💎اومال لو عايزينه سعيد😊😊 هنعمل ايه؟

هنتقبله ونتقبل احساسه الزايد على كل شئ ونبتسم بنفس☺️ مش تمثيل😎

هنشرح كل حاجه بيلعب بيها او بيتعامل معاها او موجوده في حياته.. لازمتها ايه.. وبنعمل بيها ايه..
ولو مش موجوده كان حصل ايه..
ودا إجباري وبرضاكي ولكل فتفوته في حياته

هتحافظي عليه من نبرات الصوت العاليه📢 والدرجات المختلفه أثناء الغضب معاه او مع أي حد حواليه💥💥

هتتكلمي مع كل الل حواليه والل ميعرفوش وتقولي ليهم حاسبوا على ابني او بنتي اصلهم حساسين اوي عشان يتعاملوا معاهم كويس💐 وميتاذوووش نفسيا

💎هتعملي للطفل الحساس مقدمه عن أي حاجه هتحصل في الاسره سواء زواج أو سفر او ولاده او عزومه او خروجه او اي خبر جديد

💎هتسمعي طفلك كتييييير اوي وتفهمي منه أفكاره وتفسيراته الغير منتهيه لأي حاجه بتخطر في باله



كده انتي عشان تسعديه هتبذلي مجهود ٣ أطفال عاديين.. اذن هوا نقمه

🌸🌸طيب سيبك من كل الل قلته وتعالي نتكلم عن الواقع الل هيقابله.. الحياه.. الدنيا.. الناس..

حد هيعمله الل انتي هتعمليه⁉️.. طبعا لا❗..
⛔اذن هيتصدم بالواقع.. هيجتنب الناس.. هيكتئب......

♥️ طب الحل؟
أخرجه من الحساسيه الي الواقعيه..

اعلمه حديث النبي صلى الله عليه وسلم.. اخشوشنوا ..

اعرفه ان الدنيا صعبه.. والتعامل مع الناس أصعب..

احتويه واقربه من الحقيقه الل بنعيشها واعرفه انه برئ ونضيف والحياه محدش بيقدر يعيش فيها مرتاح مع الناس وهوا كده💗💗
دمتم بخير
د/ مريم عبد القادر
#فقر��_تربوية