السلام عليكم اخواتي الغاليات اني عندي بنتي عمرها ٩ اشهر بفترة حملي بيها عانيت بمشاكل هواااااي الضغط والام المعده والقولون العصبي والهضمي وفوق كل هذا حصل عندي تسمم بحملي بشهر الثامن ومن ولدت كانت بنتي عندها خمول عام بحيث كانت لاترضع لامن صدري ولا من الممة كنت ارضعها بالسرنجة او الملعقة لمدة شهر والحمد لله صارت زينة صار عمرها ٤ اشهر لقحتها وصارت عدها شمرة ارتدادية طبعا هالشمرة عرفتها بعد ماراجعت ٥ دكاترة الاربعة محد عرف حالتها كلهم كالو تلف او خلل او ضمور بالدماغ او المخ بس الحمد لله الدكتور الخامس عرف حالتها وطمنا بان الدماغ والمخ سالم بس هالشمرة مشكلتنا وراح تسببلها ضعف بالنمو بحيث راح تتاخر بكلشي بالجلوس والزحف والمشي وحتى بالنطق الحمد لله على كل حال
فسؤالي حبيباتي منو سامعة او مارة بيها حالة الشمرة الارتدادية ارجو ان تعطيني المعلومات الكافية عنها ومدة العلاج واتمنى من كل الي قرت هالموضوع تدعي لبنتي لان بصراحة تعبت حيييييل من كثر التفكير ببنتي وعندي طلب صغير من خواتي الغاليات الي عدها احد من اقاربها او معارفها دكتور اختصاص بالجملة العصبية تسال على هالحالة وياريت تردلي الجواب واكون ممنونة الها واعتذر عالتاخير قبلاتي لكن
