مرحبا صبايا
كل عام و انتو بألف خير
بدي احكي قصتي لاني رح انفجرررر مش ملاقية حدا احكيلو عن يلي بقلبي و خايفة احكي لزوجي يقوم يضل يحكي بالقصة و انا بنت كنت محرومة من كثيير شغلات ما كنتش اطلع مع صاحباتي ولا كان معي تلفون ولا لابتوب ولا شي نهااائي
انا الي ٤ سنوات متزوجة و عندي ولد القصة و ما فيها اني كنت بالمدرسة طالبة توجيهي و كنت اقدم ب امتحانات و اول ما خلصت اخر امتحان اهلي جابولي العريس و انا ما كنت بدي اتجوز و امي صارت تبكي و ما بنلاقي متلو متعلم و اهلو متعلمين و محترمين و من هالحكي و بلشو يقنعو فيي طبعا انا كنت جاهلة و اقتنعت و قعدت مع العريس و وافقت بعد اقناع من اهلي و بعد ما تزوجت اهلي عاشو حياتهم بالطول و العرض و انبسطو انهم خلصو مني و اختي يلي اصغر مني ب سنة بس اول ما جوزوني اعطوها كل شي علموها سواقة و اشترولها جيب ضخم و حطوها ب احسن الجامعات و علموها و تلفون و طلعات مع صاحباتها و عااايشة حياتها ع الااخر
مع انو كان حلمي اتعلم و اعيش حياتي بس ابوي ما كان بده يعلمني ف جوزني و حتى لما اجى العريس حكيت ل ابوي حط التعليم شرط حكى لاا ما بتشرط عليه يعمل يلي بده اياه تخيلو لهدرجة كنت رخيصة عند اهلي و الحين انا متجوزة و كل يوم نكد انا و زوجي مش فاهمين بعض لانو اكبر مني ب ٩ سنوات و اهلي عايشين و طاشين و كل ما يروحو مشوار او رحلة يبعتولي صور انهم مبسوطين و انا بحكيلهم تتهنو شوو اعمل احكولي لوينتا بدي اضل مكسورة هيذ كأني كنت عبئ ثقيل على اهلي و خلصو منه انا زهقت و وصلت لمرحلة التفكير بالانتحار بس بحكي لا عشان ابني قلبي بوجعني كثير زهقانة من حياتي ليه هيك عملو فيي اهلي
و عفكرة اختي اجاها اكتر من عريس و يكونو محترمين بس هي حكت ما بدها فمشو اهلي زي ما بدها ما قعدو يقنعو فيها زي ما اقنعوني انا و جوزوني تركوها تعيش بحرية زي ما بدها 😭
