البنية المتكأبةة ومختنكه وعديمة حظ

البنية المتكأبةة ومختنكه وعديمة حظ..



ترا انتي زايدتها ع نفسج.. ومحد يختنك ولا ينحبط انتي الخانكه نفسج
(((وماظلمناهم ولكن انفسهم يضلمون)))

حتكولين شلون؟!!!

حبيبتي 💕

مهما كان سبب الخنكه او الاحباط والكأبة
..
خيانه .. تأخر زواج .. ناس عافوج او انغدرتي .. اهلج بالبيت وضعهم موزين وياج .. ماعدكم امكانية.. محتاجه .. محد مهتم بيج ..... الخ.....

سؤال ؟!
الخانج خانج وماعترف بيج
والعافج راح ونساج
والوضع المادي من الله
والدراسة بيدج انتي تقرين
والاهل يردون سياسة
بسسسسسس
محد يفيد نفسه غير نفسه
طيب
السؤال!؟ اذا هذولي كلهم محد بحالج ع شنو مخنوكه يعني؟!مخنوكه لان محد بحالج او يحس بيج لو منتضرة منهم اهميه؟!

همه خلص بعد كلمن حاير بروحه ويونس روحه ..

مثلا اذا شخص خانج
ليش خانج؟! لان ماناسبتي او مل وتكأب منج فراح لغيرج حته يجدد نفسه وسعادته
اذا دتلاحضين انو ماعترف بيج ويفكر بنفسه وشلون يسعدها..

زين ليش محبطه ..
ببساطه انتي غبيه

الراح راح ..

تكدرين مثلا

تبجين حدما عيونج تورررم تصير حمر .. الى ان تنامين..
تكعدين صبح .. كانما انولدتي توج .. عمرج ساعه .. روحي خسلي وجهج
وكولي للاهل صباح الخير وتريكي .. خسلي المواعين.. خلي شفايفج مبتسمه
خلص انتي طلعتي همومج والناس الزباله من كلبج من خلال دموع سقطت وانتهت..

كومي غيري ديكور غرفتج الجرباية غيري مكانها الكنتور هم
غيري ترايب ملابسج غيري ديكورات ببيتكم .. حتلو تعبتي لابأس
لانو من تغيرين الديكور رح تنسين الذكريات الجانت لان الديكور يذكرج وين كعدتي وشلون حجيتي حت مكان نومتج غيري


اسبحي ولبسي حلو وشسوري شعرج خلي لوجهج كريم حلو وشوية كحل ومرطب شفه

ابني علاقة حلوة مع اهلج شيكولون سوي ودلليهم.. حيحبوج ...

الاهم انو تبنين علاقة ويا الله وكوليلة يارب تغيرت لاجلك .. وانت خير الراحمين


شوفي ربج شيحسويلج .. مدام تغيرتي لاجل الله ..

من تضوجين فتحي ركص بالهتفون وركصي كمزي وشعرج كفشي لان الركص يسعد الروح ..

اهتمي بشعرج وبشرتج وشكلج وعطرج ... وحته من تشوفج الناس حلوة حتخطبج مو بس لانج حلوة لا لانج طعتي والديج الله حينور وجهج ويخلي الناس تشوفج حلوة وتنجذب لاخلاقج

💞💞💞💞💞
الناس الخسروج من ورا فترة اذا شافوج يتندمون لانج صرتي غير من خلال جددتي ثقتج واهتميتي بنفسج وصرتي ملاك ...

ادخلي علي هاد👇باليوتيوب..
و اشتركو بقناتي😜

https://youtu.be/wNZI0MCg0hY