صحيتو حبيباتي 😘حبيت نحكي اليوم على الاسنان والشفاه واما بالنسبة لرائحة الفم هذيك حنديرلها موضوع خاص بيها المهم خلولنا نبداو 😪
اول شيء راح نحكو على الاسنان: انا كانت اختي تخدم عند دونتيست رحت معاها مرة وخلت حكيت معاها على تبييض الاسنان قالي انا مش حنقلك بعدي على وصفات الطبيعية لكن بعدي على الوصفات لي فيها الخميرة الحلويات وبيكربونات الصوديوم لأنها تكسرهم قالي جاتني وحدة اسنانها مكسرين قالي كي سقسيتها واش درتي قالت ليا درت 😔وصفة البيكربونات و المعجون حذاري😱 المهم خليني نحكيلكم واش ندير انا ندير وصفتين لاغير
.الوصفة الاولى: وصفة حطيتهالكم قبل وصفة الكركم والمعجون بعدها نغسل اسناني مليح وبعدها نمضمض فمي ونجيب الفرشاة لخرى ونعاود نغسل فمي عادي انا مدايرة 3فرشات ضرك نقلكم الفرشاة الثالثة واش ديرو بيها المهم وابتسامة رائعة 👄
.الوصفة الثانية: وصفة جد فعالة هايلة المهم تجيبي زيت جوز الهند تخليه يتجمد يعود كريم وبعدها تعقبيه على كل فمك كامل بالفرشات الثالثة لي قتلكم عليها وتتركيها حوالي 2 دقائق وتجيبي فرشاتك العادية وتغسلي عادي اسنانك لكن الماء يكون دافئ
وبصحتك الاسنان البيضاء
بالنسبة للفم : انا كل صباح كي نوض كنت قبل نجيب العسل وحدو نديرو لمدة نصف ساعة يخرج احمر وارطب مع العلم تدوم الرطوبة لكن الاحمرار مايدومش عدت بعدها مباشرة نوضع الدواء الاحمر ولاحضت انو ياخذلي وقت بزاف وانا كسولة منحبش نوض بكري هههه وزيد ندي وقت كبير باه نكمل نوجد روحي المهم عدت نخلط دواء الاحمر مع العسل ونخليه نصف ساعة وبعدها بصحتي الشوارب الحمورة مع العلم انا نستخدم عسل حر ومش شرطت انتم تستخدموه حر عادي تستخدمو عسل عادي ولي معندوش عسل يخلط الفازلين وسكر عادي مش سكر قلاصي (سكر بودرة ) لانو مخلط مع النشاء ونشاء ينشف شوارب المهم السكر العادي تقومي بطحنه جيدا وتخلطيه مع الفازلين وتضيفيلهم دواء احمر وتوضعي
وبصحتكم كامل الشوارب الحمراء 💋ومتبخلوش عليا بدعاء ومنسيت حتى واحد والي محتاج حاجة انا هنا اختكم كامل فأي موضوع عمري ولانبخل عليكم نشاء الله نحبكم ❤
