انا تزوجت قبل سنه وكنت طايره مره مره مره من السعاده لاني كنت احبه قبل الزواج ...طبعا هو مايدري اني كنت احبه ...كنت اعشقه كان يقرب لي من بعيد ..كنت دايم اسمع انه مزيون ويطيح الطير من السماء وانا قلبي مال له وماصدقت لما امي قالت لي فلان بن فلان خطبك ...بغيت اطيح من طولي من قوه المفاجاه .. المهم اعرسنا والحمدلله الامور تمام بس كنت الاحظ عليه شغله ...كان لسانه طويل مره علي يحب يتريق على شكلي
يعني مثلا اذا لبست قميص يتريق علي ويقول كنك شغاله واذا لبست بنطلون يتمسخر علي ويقول كنك ورع بالمتوسط وكنت اذا لبست تنوره يضحك علي ويقول كنك بزره رايحه للمدرسه ....كنت اتضايق بقوه من تعليقاته يعني انا انثى والانثى تعشق الحكي الحلو والمديح وهو الله يسامحه لسانه طويل يتريق ويعلق تعليقات مالها داعي ....المهم بيني وبين نفسي كنت احس انه مايحبني ..جاني هالشعور من عده مواقف وتأكدت اكثر لما مره غلط باسمي وناداني رهف .. هنا عرفت ان فيه زفته اسمها رهف سالبه عقل وقلب زوجي .. كانت رده فعلي الصمت مع كسره قلب وجرح ... هو قال لي اسف توي كنت متفرج على فلم مصري والبطله اسمها رهف وعلق اسمها على لساني ...امحق تبريره.. المهم ...عرفت ان زوجي عنده عشيقه اسمها رهف ...قعدت افكر في بنات قرايبهم محد من بنات عمه او عماته اخواله اسمها رهف ...كان عندي فضول شديد اعرف مين هاذي رهف !!!!!! فتشت جواله مالقيت شيء يدل على ان عنده حبيبه اسمها رهف ...حاولت اتناسى موضوع هالرهف ....... اللي صار انه زوجي دايم يعزم صاحبه عندنا ويسهرون مع بعض للفجر بمجلس الرجال ....
وكان زوجي شديد الحذر لما يكون صاحبه عنده يقعد يقفل قسم الرجال كله بالمفاتيح بحجه انه يخاف ادخل عليهم بالغلط ...كنت خبله احسبه يغار علي مادريت ان هالصاحب هو !!!!! تكمله
