- حبيبى بحبك
- حبيبتى بموت فيكى
- جايبلى الفطار لحد عندى ياقلبى مصحتنيش ليه اعملهولك
- وتصحى وتقومى ليه من السرير ياحبى وانا موجود
_ بس ياعمرى دا كتير عليا مش كل يوم
- كل يوم وكل ساعه وكل دقيقه وهأكلك بأيدى كمان
وياخذ قطعه من الخبز يغمسها فى طبق الفراوله ويضعها فى فمها
- اه حسبى هتاكلى صوابعى
- سلامه صوابعك ياعمرى انا هات ابوسهم
وتاخذهم فى حنيه وتبدا بتقبيلهم بهدؤ ليقترب هو منها لتلامس انفاسه الحاره وجهها و....
ويرن الهاتف ..عيون مغلقه تبحث بيدها عنه لتفتح نص عين والاخره مازالت مغلقه وتجيب بصوت يملئه النوم
- الو ..
- تالت مره ارن عليكى يابنتى صحى النوم نايمه لحد اذان الضهر
- وانتى ترنى عليا ليه يارخمه صحتينى من احلى حلم
- هى احلام شهر العسل بتاعتك دى مبتخلص
- شهر وحياتك كان اسبوع .. وبعدين لاحقيقه ولا حلم حرام عليكى
- لا خليكى فى الحقيقه ياحبيبتى ..ولا عندك غدا عشان كدا نايمه
- غدا ... هى الساعه كام
- ١٢ ياقلبى
- اييييه .. دانا هطلق دانا معملتش حاجه وكلها ساعتين وجاى اقفلى اقفلى خلينى اقوم اشوف اللى ورايا
- ضحكه من الجهه الاخرى بصوت عالى .. تستهلى بس كنت عايزه اسألك على حاجه
- بعدين بعدين .. مش فضيالك
واغلقت الهاتف وقامت مسرعه من على السرير الى المطبخ تنظر فى التلاجه وهى محتاره ماذا ستصنع على الغداء..
يتبع...
