محتاجة نصيحة
اكتشفت خيانة زوجي لي للمرة الثانية بعد ماحلف لي قبل وصدقته وسامحته،فجأة اكتشفت انه رجع يكلم بنات في السناب، على طول اول ماشفت اشعار الرسالة تناقشت معه واخذت اغراضي ورحت بيت اهلي، جلست يوم واحد بس ماعلمتهم وهو يتأسف ويداريني ، رجعت اليوم الثاني لانه طلب اسمعه واتناقش معاه، معترف بخطاه وبشهادته مافي ولا نقص لكن هو مبتلى وشيطانه قوي،نادم وانا عارفه ومتأكده انه نادم ويحبني ومتعلق بي مثل الطفل، ماراح اشرح وش سوى علشان يرجعني وايش قال المهم اني متأكده من ندمه واعتذاره الصادق
هو شخص طيب وكريم وماعمره قصر علي باي شي يشهد الله انه يعاملني احسن معامله لكن بلواه المراسلات في السناب،وهو مايقول كلام فاحش وجنس وكذا كله كلام ماله داعي وخرابيط،المهم اني رجعت لكن ماعدت مثل قبل؟ مااحبه! يابنات والله مااحبه ولا احس اي شي تجاهه مااكرهه ولااتمنى يجيه اي اذى لكن مااحبه ومابي اسوي ذيك العلاقه معه هل اقول له؟ مع انه قاعد يحاول ويسوي كل جهده ويداريني لكن انا ماعدت احبه،هل اقول له عن مشاعري تجاهه؟ اروح بيت اهلي يمكن تتغير مشاعري؟ اصبر واسكت واشوف؟ هل فعلاً ممكم ارجع احبه مره ثانيه؟
انا مره محتاره والسبب اني ماقلت له للحين اني مشفقة عليه،والله شعوري تجاهه بس شفقه وراحمته من اني اقول له اني ماعدت احبك لاني ادري ومتأكده قد ايش هو يحبني،كيف اسوي؟
