السلام عليكم ورحمة الله وبركاته ..
أتمنى الكل يتفاعل معي وجزاكم الله الف خير ..
أهلي اللي عشت معاهم سنين وتربيت بينهم اللي احبهم وادعيلهم بصلاتي ربي مايحرمني منهم ولا من ضحكتهم ... تغيرو علي بعد زواجي بشكل واضح لدرجة خالاتي لاحظو هذا الشي وصارو يكلمو ماما عن هذا الموضوع لكن مافي امل ..
انا لس براسي وماعندي عيال لما بنروح نتمشى لازم أركب مع زوجي وارجع معه حتى لو هو مشغول حتى لو سيارتهم فاضي ،، رغم سيارة اهلي انا اللي شريته لهم. .. والله مو تمنن لكن أحس ليشش كذا بعد ذا كله '
-
اذا اجي ازورهم ببيتهم خواتي بس ي دوبك يسلمو علي وبعدها يجلسو مع بعض ويتركوني بالغرفه والقاهم بغرفه لوحدهم يضحكو ويسولفو ، لدرجة اروح السرير وانام خلاص لين يرجع زوجي .واذا نمت عندهم يوم بيحسسوني اني ثقيلله و هذا انا براسي بدون عيال.
رغم ايجار البيت نصه انا أدفعه '
-
واليوم حصل موقف بعد الفطور ،،
أنا حامل وبالشهور الأخير وداخله بالتاسع وصعب علي اطبخ مع دوامي ،، طلبت من ماما قبل رمضان انها تكلم وحده من قريباتنا تسوي وجبه لي ولزوجي ولها حقها تتقاضاها بعد كل وجبه ..
وماما رفضت وقالت لا خواتك يقولو نحن نطبخ ونحن ماعندنا شي والطبخ علينا ، وقلت لهم انا ابغى وحده تكون فاضيه لوجبتي انا وزوجي وقالو والله نحن وايش فيكي انتي وبدل تخسري فلوسك ..
وزوجي سألني قلت له خلاص اهلي بيطبخو وماقصرو الله يعطيهم العافيه وهم تكفلو بهذا الشي ..
اليوم ونا اتكلم معهم بيقولو بكره مسافرين وبعد بنروح ناخذ عمره ولا رجعنا نطبخلك ، صدمووني والله قلت لهم والاتفاقيه انكم قلتو تطبخو ، قامت اختي تصيح وبالاخير تقول لي خلاص روحي تقاولي مع وحده تطبخلك اصلا خساره فيك ،، ((طيب لييييه من البدايه مايقولو كذا ، ليه يحرجوني مع زوجي )) وماما تقول تعاملينا كننا عمال عندك عشان نتقاضى راتب ' 😭😭.. وانا والله صرافتي بما فيه عندهم ولا اعرف عنه شي وهم اللي يتحكمو فيه وبالاخير تقول علي كذا ..وجالسه اشتغل وانا حامل عشانهم والله
رحت قلت لهم الله يعطيكم العافيه خلاص ماابغى شي منكم واختي جالسه تقول من بعيد احسن وروحي اطلبي وفكينا .. والله جرحوووني ووجعوني ..
برأيكم انا اخطيت !!
انا من البدايه طلبت من ماما تكلم اللي تقربلها عشان تطبخلنا وهم رفضو وانا قلت لهم ماتسحبو علي .وماطلبت منهم يطبخولي 😭😭😭💔💔💔💔💔..
هل كل وحده تتزوج كذا اهلها يتغيرو عليها ..
الحين جالسه لوحدي وحالي حال الحيطه وهم جالسين يضحكو وتاركيني .. ااااااااااخ
