** آهات مبعثرة **
##########
الجزء السادس عشر 6⃣1⃣
##########
ريم : اي اكيد تعالي
)) لجين جات بتركب السيارة بس حست بيد قوييييه تشدها وتبعدها عن السيارة ))
لجين : اااااااخ يدي .. وخر عني شتبي
...........: ولك وجه تصارخي بعد وين كنتي ي الحمارة
لجين وهي تطالع فيه : بعددد عني اكيد غلطان
...........بصوت عصببي ويشدها بقوة من شعرها بعد ماطاحت شيلتها :لجيييييين لاتكذبين انتي لجين مستحيل اغلط
قولي لي وين كنتي
لجين : اااااا وخر عني الله ياخذك
ترررركي
في هذي اللحظات كانت رغد تصاارخ ودانه دخلت الماركت تدور تركي وصقر..
تركي : اقول صقر ماخلصت بسررعه للحين
صقر : انطم خلني اشوف وش يبيعوا هني
دانه والخوف مسيطر عليها : صقرررر
صقر يلتف لها بقوة : دانه
تركي يركض نحوها : دانه شصاير ليه ترتجفين
دانه وهي تبكي :لجييييين لحقوا عليها بيذبحها ..
تركي سقط كل شي من يده وركض ناحيه الباب
ريم وهي تسحب الرجال وتصارخ : بعددد عنها يالحقير
منو انت
............. : وخري عني خليني اادبها اشوف وين كااانت
لجين والدم كسى وجهها : ااااااااه ترررركي
تركي شافهم وركض ...
وقف مصدوووووم من شكل لجين وشعرها المنثور والدم
تركي مسك الرجال من بلوزته وطاح فيه ضررررب ..
كان يرفسه برجله وبطنه ويصاارخ
تركي : وش سوييييييت فيها يالنذل
منو انت الله يأخذك
...........:انت منو يالخسيس ي الحقيير
اكيد انت اللي هربت معاك لجين السافله
صقر حاول يمسك تركي : تركي خللص خلص بتذبح الرجال
تركي : وخررر وربي لااذبحه واعرفه مع منو يتكلم
وطاح فيه ضرب وبوكس
لجين كانت تشوف الاحداث وريم ودانه يهدوها ورغد تحاول تقومها للسيارة ...
بس لجين بعالم ثاااني تتطالع في الرجال وموب قادرة تبعد نظرها
لجين كانت تمسك راسها وحست بألم فضيييييييع
لجين : ااااه وش صار مانيب قادره افكر
لا لا لا شلووووون
لجين وهي توقف وتبككككي وصرررررخت :
حممممممممد ؟؟!!
تركي وقف ضرب ولف ناحيه لجين وظل سااكت ..
تركي يكلم نفسه : حمد ؟ ليه قالت حمد
اي اي لجين اتذكرت
بس .. اي هذا حمد اللي تحلم فيه
ي ربييي ليكون زوجها
حمد : ههه أي حمد الله يخسك انتي خلاص انتهيتي
وربي لااذبحك لااذبحك بيدي
واخبر عمك وبنذبحك وندفك يالسافله... وقام يمشي وهو يتوعد فيها
تركي : هييي انت وربي مارح تفلت ع اللي سويت فيها
وبااتصل بالشرطه ..
####
####
####
تستيقظ بصعوبه ع رائحه معقمات واصوات اجهزة وبياض في بياض ...
لجين : وين انا ....
وفجأه استوعبت انها في مستشفى .. وناظرت نفسها والاجهزة اللي عليها واصوات ممرضات
بس لحظه .. سمعت صوت مألوف ايه صوت تحبه حييل ويفز قلبها اذا سمعته
صوت تركي ......
خارج الغرفه ^^^
تركي :دكتور طمنا شلونها الحين
الدكتور : داوينا كل جروحها والرضوض وهي الحين احسن وزالت مرحله الخطر
بس ابشركم البنت رجعت لها ذاكرتها وتقدرون تشوفونها ..
سعاد وهي تبكي : صدق دكتور الله يبشرك بوجه الخيير
الدكتور : يلا انا استئذنكم ...
سعاد مبسووطه وتمسح دموعها : تركي بشر البقيه والبنات وانا بااشوفها
تركي : انزين عمتي ..
####
دخلت سعاد الغرفه وشافت بنتها حبيبتها لجين
راحت لها وحضنتها ..
لجين ودموعها تنزل وهي تتذكر شي : ..........
سعاد وهي تجلس جنبها : يمه لجين الحمدلله ع سلامتك
لجين هزت راسها وماقدرت تنطق بس دموعها تنزل .......
سعاد : لجين فعلا تذكرتي يمه ..
لجين : ااااااه اااه ليتني مااتذكرت
سعاد مستغربه : لييه
لجين : يمه انا ماعندي ابو ولا ام ولا اخوان
الكل ماتوا
عندي عم ...... وسكتت لانها حست بغصه ودموعها نزلت غصبا عنها ..
بعدين واصلت كلامها وحكت لسعاد نبذه عن عمها وعن سبب هروبها ذاك اليوم
وعن حمد .....
سعاد حاطه يدها ع فمها : حسبي الله عليه هو مرته
الله ياخذهم ...
لاتخافي حبيبتي حمد مسكوة الشرطه وهو الحين بالسجن
وبعدين هو متهم بقضيه مخدرات ونال جزاة ومارح يتعرض لك ...
لجين : الحمدلله .. بس شصار انا مانيب متذكرة شي بعد ماشفت حمد في الطريق ..
سعاد :انتي دختي ي يمه بعد ماتذكرتي والبنات اتصلوا فيني
والشرطه اخذت حمد وبعدين تركي اخذك ع المستشفى ...
واحنا رجعنا للمستشفى وبعد مااتطمنا ع حالتك نقلناك للمستشفى هني عند دكتورك اللي يعرف حالتك ..
بس ماتصدقين شلون صرت خفت عليك ي يمه وااايد .... وضمتها .. الله يشفيك ويخليك لنا ي رب ..
لجين : يمه متى بطلع من هني ..
سعاد : باطلع الحين واخبر تركي يجهز لك ورقه الخروج ..
لجين ابتسمت بمعنى اوكي....
####
في فيلا سعاد ^^^
رغد : دانووووو شصار بالمستشفى .. انا ماادري شلون طاوعت اخوك لما قال لنا نرجع البيت
دانه : الحمدلله اتحسنت وذاكرتها رجعت لها وبترد هني بعد شوي
ريم بفرح : وااي الحمدددلله
##########
للكاتبه ::::::: Dįànà
