##########
الجزء الثالث عشر3⃣1⃣
##########
الساعه 11 ليلا ببيت تركي ..
تركي يتكلم بالجوال : ماخبرتهم ياصقر بشي
صقر : وش دراك
تركي : سمعت دانه تكلمها في الجوال ولجين قالت انها تعبت فجأه
صقر : انت غلطان .. اكيد هي الحين مجرووووحه وماخبرت حد عشان المشاكل
تركي بأسف : ادري ياصقر ادري .. وربي ماقصدت كلامي بس ماادري شلون قلت هالكلام عنها
اكيد هي الحين بتكرهني اكثر ..
صقر : اقول تركي اذا لقيتها اعتذر منها
تركي : لااااااا انا مستحيل ادوس كرامتي عشان بنت ..
انا استئذنك الحين وربي صدعت من كلامك
صقر : انزين .. بس فكر في كلامي
$$$
$$$
$$$
مر شهر كامل ع الأحداث ^^
- لجين انعزلت وقللت الاحتكاك في البنات وخصوصا دانه ..
الكل لاحظ بس مااحد يعرف سبب لتصرفاتها الا تركي وصقر
- تركي نادم ع اللي صار بس مستحييييل ينزل كرامته عشان بنت .. هذا طبعه من صغرة
$$$$
يوم جديد الساعه 4 العصر ^^
رغد تتكلم في الجوال : ها وش رايك بالفكرة
دانه : فكرة حلووة صراحه .. يمكن نقدر نعرف سبب تغير لجين ونحاول نخليها تنبسط قدر الاستطاعه
رغد : اي انا كلمت امي وابوي واخواني وانتي عطي خبر لتركي وعمي ..
دانه : ان شاء الله .. يلا انا استئذنك
رغد : الله معك ...
خلصت من مكالمه دانه واتصلت ع عمتها سعاد ...
رغد : الوو
سعاد : هلا وغلا
رغد : هلا بعمتي هلا بالغاليه .. شلوونك
سعاد : زينه .. وش اخبارككم
رغد : كلنا بخير ... الا اقول عمتي قررنا نطلع بعد كم يوم الشاليه ونقعد 10 ايام وننبسط ونفلها
سعاد : حلووو . انا موافقه بس شنو المناسبه يعني
رغد : مافي سبب واضح بس لاحظنا كلنا تغير لجين بعد حفله دانه وماعرفنا وش السبب
قلنا يمكن تنبسط وتهدأ بعد ماتغير جو ونفسيتها تتحسن ..
سعاد : ايه وربي لجين تغييرت ماادري ليه .. بس فكرة حلوة
بااكلمها اليوم وان شاء الله ..
رغد : انزين انا استئذنك الحين واول مانحدد اليوم اللي بنطلع فيه باادق عليك
سعاد : صااار .. الله معك
####
اتفق الكل ع الشاليه وانبسطوا .. ولجين اقتنعت بس بصعوووبه لأنها ماتبي تشوف تركي او تحتك بأخته دانه ..
####
السبت الساعه 7 صباحا *__*
سعاد : لوجي حبيبتي يلا مايمداك تتجهزين ..
لجين وهي تتثاوب : يمه كم الساعه ..
سعاد : 7 .. بسرعه يمه نشي
لجين وهي تقوم : انزين كاني قمت ..
سعاد : عفيه حبيبتي .. خذي شاور واتجهزي ونزلي تقهوي معاي
لجين : ان شاء الله ..
)) قامت لجين وتسبحت واخذت لها بنطلون وردي كيووت وبلوزة بيضاء طويله شوي وعليها فيونكه من الوراء باللون الوردي ولفت شعرها وخذت لها اكسسوارات وطالعه مرررة كيوت ..
لبست عباتها وخذت شنطتها ونزلت عند سعاد ))
سعاد : بسم الله عليك .. يلا تعالي تقهوي بيمرنا تركي بعد نص ساعه
لجين حست بغصه : ان شاء الله ....
بعد نص ساعه جاء تركي واخذهم ..
تفاصيل الرحلة نفسها ^^
)) انطلقوا للشاليه بثلاث سيارات .. السيارة الأولى فيها عبدالله السواق وجاسم وفاطمه وسعاد
السيارة الثانيه .. تركي السواق وصقر جنبه ووراء رغد وريم ولجين ودانه ..
اما السيارة الثالثه فيها الأدوات كااامل اللي بيحتاجوها في الشاليه ويسوقها السواق *)
####
في الطريق خصوصا سيارة تركي ^_*
صقر وهو يحط أغنيه لراشد : ااااه ي قلبي احب راشد مووت ..
تركي يطالعه بنص عين : .......
صقر يناظر دانه من المرايا وكأنه يقصدها بكلمات الأغنيه ::::
دانه منحررررررجه وتتحاشاه ..
رغد + ريم حسوا بشي : ههههههههههههههههه
تركي بنبرة حاده : اقوول صقر انطم ولي يعافيك
صقر : ههههه شفيك ماقلت شي ..
تركي سرحاان ويناظر لجين بين فترة والأخرى ..
ولجين حااااقرته وماعطته وجه كلللش ...
^^^^^
واخييرا وصلوا الشاليه وكان كبيييير ويجنن حديقه واشجار ومسبح وكل شي مقسم نصفين
خاص بالرجال والنساء ..
عند الحريم ^^
رغد وهي تمسك يد لجين : لووجي يلا تعالي نستكشف الشاليه
ريم + دانه : يلااااا
رغد : هي انتو انطممو انا قلت لوجي ليكون ماتسمعوا زين
دانه تفشلت : تخسي انا وريمو بنستكشف لحالنا
لجين : هههههه لا يلا نقوم كلنا
البنات انبسطوا ان لجين بدأت تتغير وتنبسط وقاموا بسرعه ...
سعاد : يمه لجين لاتبعدوا كثير ..
رغد : ماعليه عمتي لاتحاتين ..
####
مجلس الرجال &&
صقر : تريك أقول ابي أبوك بسالفه اطلع ولي يسلمك
تركي مبقق عيونه : نعمممم . . وش تبي في ابوي
مانيب طالع من هني لين ادري وش السالفه
صقر بغضب : تركي عفيييه اطلع انت بتفشلني
تركي : قلت لك مانيييب طالع ويلا كلم ابوي قدامي
صقر استسلم : انزين ... قام صقر وجلس جنب عمه عبدالله
عبدالله : هلا بوليدي صقر شخبارك
صقر : زين ي عمي .. بس انا ... اا نا ..
جاسم : صقر وش عندك
صقر بتردد : ابيك ي عمي بموضوع
عبدالله : أمر ي وليدي انا كم عندي صقر
صقر : مايأمر عليك عدو ..بس انا طالب يد دانو بنتك .........
##########
للكاتبه :::::::: Dįànà
