##########
الجزء الثاني عشر 2⃣1⃣
##########
رغد + ريم + لجين بصرااخ : هابي بيرث داي تو يوووووو
دانه منصدمه : ..... وبعدين استوعبت .. ههه بنات شصاير مانيب مصدقه
لجين وهي تمسك دانه من كتفها : دشي دشي وسكري الباب بعدين نتفاهم
وشغلت ريم اغاني ميلاد .. وفرقعت رغد البالونات ..
دانه وهي متفااااجئه حدها : ههههه بنااااات متى سويتوا كل شي ابي اعرف
لجين : ههههههه ماعليك .. يلا صبايا ننبسط دانووو يلا تعالي طفي الشموع
دانه وهي مبسوووطه : انزيين ..
والكل صفق وبعدين ضمتهم وشكررتهم ..
]] وانبسطوووا وانبسطت دانه حيييل وحبت كل شي
قطعوا الجاتو واكلوا وبعدين جابوا للعيال ]]
بعد شوي التمت الاسرة وسعاد وفاطمه وعبدالله وجاسم ..
واكلوا واستناسوا وقدموا هدايا ل دانه **
الساعه 9 بمجلس الرجال //
تركي : امممم الجاتو يجنن ابي اعرف ذوق منو بالطلب
صقر : ع مااعتقد ذوق لجين .. سمعت رغد تكلم لجين في الجوال
تركي بغضب : يعني لجين هني من بدايه التجهيزات !!
صقر : ايه وش فيها ..
تركي حط الصحن وقام ...
جاسم : صقر وش فيه تركي ..
صقر : ماادري والله انا استئذنكم واروح اشوفه
عبدالله : انزين روح ..
في الصاله """
صقر : تركي وش فيييك ..
تركي : ..............
صقر وهو يهز كتفه : هي انت انا قاعد اكلمك وش فيه وجهك اعتفس فجأه
مجلس الحريم عند الحفله //
سعاد : ههههههه يحليلكم وربي الحفله تجنن
فاطمه : ايه الله يحفظكم كل شي حلوو
رغد : صراحه لجيين غيرت اشياء وااايد يعني كل شي ذوقها
دانه وهي تحضن لجين : وربي انبسطت واحلى مفاجأه لما شفتكم
بالبدايه انصددمت صراحه ومااستوعبت
لجين : هههه ايه شفنا وجهك كان متلون الوان من الصدمه
الكل : هههههههههههههههه
لجين وهي تلبس العبايه وتحط الشيله بس : انزين انا بااروح الحمام اغسل وجهي
احس بحررر
سعاد : انزين ..
طلعت لجين ووصلت الحمام وسمعت صقر وتركي يتكلمون ..
تركي : صقر اسمعني انا صراحه ماابي لجين تختلط بأختي
البنت هذي مانعرف شي عنها وصدقني مابنسى هذيك الليله لما كانت تمشي بالشوارع بوقت متأخرر
بتخرب اخلاق اختي دانه
صقر بعصبيه : هييي انت تراك زودتها .. البنت اخلاق وجمال وكل شي
سمعت رغد وريم وعمتي سعاد وامي والكل يمدح فيها وبأخلاقها
وبعدين انت ماتعرف شي عن ظروفها والله اعلم ايش اسبابها وظروفها
لجين انصدددددمت ماتوقعت ابدا ان هذي نظرة تركي لها ..
حست بأشياء انكسررت داخلها ونزلت دموعها وحست بألم بصدرها ..
لجين : معقوووله .. الكل ينبذني بدون مايعرف ظروفي
لا ماتوقعت ان تركي بيوووم بيخاف ع اخته مني ..
فجأه قامت لجين ونادت الشغاله بهدوء وطلبت منها تعطيها نقابها ..
اخذت النقاب وكانت تبكي بحررقه وطلعت من البيت بكبرة ..
صقر : تركي سمعت شي !!
تركي : وش تقصد
صقر :ماادري .. انطر شوي
قام صقر وشاف الممر ومالقى حد .. شاف الشغاله ..
صقر : ماري منو كان هني
ماري : ماما لوجين
صقر بصدمه : نعممم متأكده
ماري : اي بابا . وكانت تبكي وطلعت من البيت
صقر مسك راسه : اووووووف ..
انزين شوفي شغلك ... ورد عند تركي
صقر : ترركي وش سوييييييت
تركي : شفيك .. شصاير
صقر : ماري تقول ان لجين كانت هني وسمعت كل شي وطلعت من البيت وهي تبكي
تركي حز في خاطرة ماكان يبي يجرحها مهما كان : .........................
تركي طلع غرفته وسكر الباب وانسدح ع السرير
تركي بألم : ياربيييي انا وش قلت . اي صح انا ماادري بظروفها
الحين شااسوي اذا خبرت عمتي
ياربي وش هالمصيبه
رغد طلعت تدور لجين لأنها تأخرت ونادت صقر من الممر : صقر تعال ابيك
صقر : خير
رغد : الخير بوجهك الا اقول شفتوا لجين مرت من الصاله
قالت بتروح الحمام وماادري وين راحت
صقر بتصريف : ها .. لا .. اي اي شفتها طلعت من البيت مستعجله
رغد : وشوو. .هي ماقالت لنا ..
صقر وهو يمشي : ماادري ..
دخلت رغد عند الحريم وخبرتهم والكل استغررب ..
سعاد وهي تلبس : بااروح اشوفها اكييد تعبت وردت البيت
ريم : غريبه ماخبرتنا بشي ..
سعاد : انزين بااروح اشوفها وبعدين باادق عليكم ...
####
ببيت سعاد ::
لجين وهي قاعده ع السرير وضامه رجولها وتبكي ..
لجين : يمه يبه وينكم .. انا تعبت تعبت . .
اكررررهك ياتركي اكررررررررررهك
وصلت سعاد وهي خايفه وطلعت ودخلت الغرفه ..
سعاد : لجين انتي هني .. وشافت شكلها وركضت وضمتها
سعاد : لجين يمه شفيك .. وش تحسين فيه
لجين وهي تبككككككي بحضن سعاد بدون كلام
سعاد وهي تمسح شعرها : بسم الله عليك يايمه .. بسم الله عليك
بعد وقت هدأت لجين من البكاء بس ظلت ساكته ..
سعاد بخوف : لجين شالسالفه وش صار لك
لجين تمسح دموعها : مافيني شي
سعاد : شلووون مافيك شي .. ودموعك ليه وطلعتك الغريبه من بيت اخوي شتسمينها
لجين : مااقدر مااقدر انا احس نفسي ثقييله عليكم
سعاد : وش تقولييين .. ليه هالكلام يايمه انتي بنتي
شلووون تقولين جذيه
ضايقك حد ؟؟؟
لجين تحاول تخفي كل شي : لا .. بس احساس
سعاد اطمنت وضمت لجين : احساسك غلط لاتقولي هالكلام
انتي بنتي ومننا يايمه ومستحيل اتركك او اتخلى عنك.. يلا امسحي دموعك واتصلي ع البنات هم الحين قلقين عليك
لجين : ان شاء الله ...
بعد وقت اتصلت ع البنات واتظاهرت انها كانت تعبانه وماصار شي ..
####
