هذا المنشور رايح يكون أخر منشور ليا بيسك ماحبيتش نروح بلا مانبرئ ذمتي
هذا الكلام ليك يا عبير ❤عطر الجنة❤
انا عندي 3سنين وأنا في هذا التطبيق نتحدى أي وحدة قستها بكلمة ولا جرحتها بهدرتي ونتي علابالك بالاك نتي من الأوائل اللي تعرفت عليهم هنا
انا اعتبرتك اخت وصديقة وربي اللي شاهد على كلامي ولحد الآن
كنت نساندك وكنت نوقف معاك مارانيش نفخر بروحي بصح الحق يقال نهار اللي كنتي رايحة تديري الراديو ماكانش وحدة نصحاتك قدي وكي كنتي تقوليلي مانديروش كنت نعيط عليك ونقولك اسمعي لكلامي ونهار اللي قررتي باش تديريه طرت بالفرحة
ماجازش شهر موراها رفدتي الحمل والله والله والله والله اني وكان انا اللي هزيت مانفرحش قد الفرحة اللي فرحتها كي فتحت تلفوني الصباح ولقيتك باعثتلي انك بالحمل ماعرفت نفرح ولا نبكي
ونهار اللي طيشتي حسيت الدنيا ضاقت بيا وربي عارف الدمعات اللي طيحتهم وحزنت كيما حزني نهار توفى بابا
ونهار كنتي تحكيلي على مشاكلك نصحتك والشخص اللي لحقك وكان وقف قدامي نرتكب جريمة فيه... وكلش كان بيني وبينك كي نشكيلي كنت نقولك فاصي لأنو مانحبش مشاكلك توصل للغرباء وجامي لاحكيت لوحدة عليك
وانا نهار اللي صرالي هذاك المشكل ماحكيتش لوحدة من غيرك نتي وهدى و ماقصدت بكلامي اني نجرحك وثانيا كي قاستك هذي الكلمة علاه ماحبيتيش تقوليلي ميمي راكي غلطتي معيا بكلامك نفهم بلي راني قستك ماشي تسكري في وجهي الباب وهذي مشكلتك انك تحبي تقفلي على روحك وماتخرجيش زعافك.... مشكلتي انا وياك نورمالمو تبقى بيناتنا حتى ولاو ناس مانعرفهمش يدخلو في خنافرهم معانا
في لافان حبيت نقولك اسمحيلي دنيا وآخرة الواحد ماهو عارف واش راح يصرا وربي اللي عالم أني ماقصدتش وكان تقص لساني وماوصلتكش
واتهلاي في روحك
