مرحبا ياناس اليوم راح احكيلكم على حملي الوهمي او مايسمى بالحمل الكاذب
نعم انا يالي كنت حاسة انو حامل انا يالي ظهرت عندي جميع اعراض الحمل لعي افرازات دوخة نغز أسفل البطن من جهة اليمين مابتحمل الروائح وتحملت كل هي الاعراض طبعا لأنو كنت حاسة في مخلوق صغير في بطني والله ياجماعة فرحت كتير وقلت في نفسي يعني معقول يكون حمل صح لأنو اعراض ظهرت قبل الدورة يعني لهي الدرجة احساس الامومة حلو
والشي الغريب انو حرمت عالي من اشياء الي بحبها مثل القهوة لاني بموت عليها و المشروبات الغازية قلت كرمال الي في بطني رح اتحمل وكان زوجي مو فالبيت وكنت حابة لما يجي اعطيه الاختبار وقولو شوف انا حامل كان احساس كتير حلو بعدها وضعت إيدي على بطني وقلت يارب يارب لاتحرم ولا إنسانة من هاد الشعور الحلو وتخيلو انو اهل بيتي كلهم لاحظو في شي وصارت ام زوجي تسألني اذا في شي وانا قلت شوية تعب وبيروح وصرت ما أحمل اشياء ثقيلة وما أعمل كتير ولما نزلت الدورة الشهرية صرت ببكي وببكي حتى تعبت بعدها قلت في نفسي ان شاء الله فيها خير اذا مافي هاد الشهر الشهر الجاي والله يبشركم ويفرحكم كلكم يارب
