السلام عليكم يا بنات بدي احكيلكن عن مشكلتي مع أهل زوجي بس بترجاكن لو أنا مظلومة إنصفوني و لو ظالمة قولو لي بتقبل رأيكن
أنا صار لي متزوجة حوالي 6 أشهر إتزوجت أنا و زوجي عن حب إتعرفنا عالأنترنت عجبتو و بعد أسبوع قرر يجيب أهلو منشان يتعرف على أهلي
هو عايش بعيد عني ب 300 كلم
بعد اسبوع إجا هو و أبوه و إمو و اثنين من رفقاتو كان أول لقاء إجو منشان نتعرف نتعرف و بنفس الوقت يطلب إيدي و إذا وافقو أهلي نحدد موعد للخطبة .
حبيتو رغم فرق المستوى المعيشي بيننا ما همني شي بس كان أهم شي إني كون لإلو
بابا لما شافني مبسوطة معو قال خلص بنتي ما يهم كلنا فقراء قدام ربنا و أنا أهم شي عندي إنو يسعدك و يخليك دايما سعيدة بعدين عملنا موعد منشان نزورهم و نشوف وين بدي عيش
رحنا للمدينة اللي عايش فيها هي مجرد مدينة صغيرة و مثل القرية
قلت لأهلي ما يهمني المكان اللي رح عيش فيه بس يهمني مع مين بدي كون ، إذا كان معي هو رح يكون كلشي بالنسبة لي حلو و كأني عايشة في جنة و ساعتها إختو قالت لو ما عجبتني مو حلوة ما تاخدها و خالتو قالت لو هاي هي اللي رحت كل هالمسافة منشانها و الله في بنات أحلى منها هون تركتن و ركظت لعند هاي بس قالهن حبيتها و أنا بشوفها أحلى شي بالكون
و خلص حددنا موعد للخطوبة و ابتدينا نحظر
بعد شهرين إجو أهلو و إخوانو تمت الخطوبة و نامو عنا و اليوم التالي اتكلمو والديني و كمان والدينو عن الصدق
طلب ابوي مبلغ شوي كثير بس يقدر يوفرو لإنو حددنا موعد الزفاف يكون بعد 10 أشهر
بابا ما بيهمو هذاك المبلغ بالنسبة إلو ما يساوي شي بس كان حابب يشوف قيمتي عند خطيبي و هو وافق بس لما راحلو قالت لو إختو ما تعطيها هالمبلغ كلو لشو تعطيها هالمبلغ منشان شو منشان جمالها مو حلوة لا تاخدها ما كانو عارفين مستوانا الإجتماعي لإنو في الأول استقبلناهم عادي و حتى تحضيرات الخطوبة كانت عادية
و يوم العرس بابا عمل لي أفخم عرس بأفخم قاعة أفراح بميدنتنا و أفخم أكل
شواء و عواصر و مشروبات ما فهمو شي
و ساعتها كلشي إنقلب صارو يعاملوني مثل الأميرة و كلشي لإنهن طمعانين بس زوجي ما بيهمو حبني أول يوم و ما كان عارف شي ولا عن شو بنملك صارو يمدحوني و يمدحو أهلي
سكنت مع أهل زوجي حماتي ساكنة بالطبق العلوي و انا بالتحت
بس كل يوم كانت تنزل و تطرق عبابي و تقل لي اطلعي فطري اطلعي تغذي
حتى لقيت نفسي باكل و بشرب معاهم ما كان بدها إني استقر بشقتي لحالي و أطبخ لحالي و أنام لحد ما اصحى على مزاجي
ما صرت ألاقي وقت أغير فيه ملابسي أو حتى أمشط شعري مثل أي بنت
كنت بصحى أطلع فوق أطبخ و ظل معها هي و حماي لحد ما يجي زوجي و بعدين نطلع ثاني منشان العشا مع إنو عندها ثلات كنات كل واحدة و مستقرة في بيتها و بنتها كمان عايشة هي و زوجها معاهم
احنا عايشي في بيت واحد بس كل واحد و عنو شقة مثل العمارة كل طابق فيه شقتين
كنت كل يوم على هالحال و انا بعد ما اتجوزت اتنقبت يعني بدي ظل واقفة عم اعمل شغل البيت بالنقاب لإنو كل شوي يدخلو اخوان زوجي أو عمو
و لما بيجو أهلي يزوروني كلهم ييجو يتغدو و يفطرو و يتعشو ما يسيبو لي فرصة اشوف أهلي أو أحكي معاهم يجو كلهم بأزواجهن و وولادهن بطبخ طبخ كثير و ظل اليوم كلو بالجلي أغسل صحون تيجي صحون ثانية
ما بيروحو للساعة اثنين بالليل بظل بنقابي اليوم كلو
لحد ما تعبت من هالشي أهلي ما ياخدو راحتهن و انا تعبت من وقفتي بالمطبخ اليوم كلو و إخت زوجي بتفرض إنو زوجها يكون حاضر حتى لو ما كان زوجي بالبيت
قلتلها اعذريني زوجي قال لي ما يدخل اي زلمي كان لو ما انا موجود بالبيت قلت لها رح اعطيك صحن و خديه لزوجك و تعي تغذي معانا بس رفضت و راحت و ابتدت تصرخ و انا عم اسمعها
لما اجا زوجي قلت لو آسفة بدي أستقر في بيتي لحالي مثل ما قلتو لي يوم ما طلبتوني
راح و قالن مرتي بدها تستقر قالو لو خلص من حقها على راحتها
بس حماتي ابتدت كل يوم تنزل و تظل تطرق الباب ما تخليني نام و لما اكون نايمة بتدخل لحالها تفتح بالمفاتيح و تجي لحد غرفة النوم و تصحيني تعي تفطري يعني مستخسرة فيني راحتي
كثير أوقات بكون نايمة أنا وزوجي أعزكم الله
تبتدي تطرق
كل مرة تفتح الباب و تدخل تاخد لي مواد التغدية بتاخد الزيت و الشاي و السكر بدون مشورى و انا ساكتة منشان زوجي لإنو طيب معي و لما ابتديت اتوحم ما تخليني نام كل شوي تخبط عالباب و تقول لي خفت عليكي يكون صاير لك شي و انا بكون ميتة من النوم
و الله بشم ريحة الأكل ما يجيبو لي و انا بعيدة عن أهلي لحتى تشوف إبنها لحظتهت بتجيب شي صحن عشان تبين إنها الحماة المثالية
و في يوم كنت نايمة نزل حماي ظل يخبط بالباب و يطرق و يطرق و انا ما قادرة قوم و لما طلعت من شان اشوفو لقيتو بيتكلم عني بالسوء بيقول خلص بس هي اللي حامل هالنسوان و الله ما ظلو يستيحو خليها تقوم و تنظف بيتها و هي قاعدة تتدلع و قال عني قاعدة هنيك مثل شي متراكم
و أنا أقسم بالله كنت عاملهم مثل والديني كنت أغسلهن ملابسهن أطبخ أعطيه الدوا و كانت حماتي تعبانة و الله العظيم كانت بنتها متجاهلتها و كنت أطبخ و يعلقو عأكلي و بقول مو مشكلة منشان زوجي طيب كلشي يهون
كان حماي مريض و ما حدا من اولادو انزعج عنو و انا قلت لزوجي خلينا ناخدو للمستشفى و اخدناه و رحنا و دفعنا مبلغ كبير مع انو كنا في ازمة انا و زوجي قلت لو ما يهم حبيبي أبوك أولى و كنت لما بطلع أنا و زوجي برا بجيب لهن أي حاجة بجيب فواكه لحماي لإنو عندو داء السكري و في الأخير عرفت كلشي كانو يقولوه عني
رحت عند امي لإنو الدكتورة قالت لي لازم ترتاحي
فرحت و بعد ما رجعت قلت اطلع اشوفهن منشان زوجي بس ما قدرت اضحك بوشهن كان كلامي ناقص بجاوب عالسؤال
ولما نزلنا انا و زوجي صرخ عليا و قال لي ليش تعاملتي هيك مع ابوي و إمي قلت لو أنا بس منشانك اتنازلت بعد كلشي و رحت اشوفهن بس ماني مجبورة اضحك و اتكلم ما بعرف نافق
حتى زوجي اللي كان مليح معي و يحبني و ما بيكسر خاطري صار يتخانق معي و يقل لي ابوي مريض ما تواخديه و روحي عنو بقل لو انا ماني مجبورة حتى لو بدي انافق ما بقدر و ما بعرف
و بليز لو كنت ظالمة و الغلط مني قولو لي بتقبل
